Sherýshiler Taılandtyń Úkimet úıiniń bas qaqpasyna qan shashty
ASTANA. Naýryzdyń 17-si. QazAqparat - Sherýshiler qan jınap, ony keshe Taılandtyń Úkimet úıiniń bas qaqpasyna shashty,
dep habarlady ITAR-TASS agenttigi. Sherýshilerdiń aıtýynsha, bul aktsııa «úkimettiń atyna aıtylǵan qarǵystyń sımvoly ispettes». Osynaý aktsııadan keıin belsendilerdiń bir bóligi Demokratııalyq partııanyń shtab-páterine bet aldy. Al Taıland úkimeti eldegi jaǵdaıdyń baqylaýda ekenin habarlaýda.
Oppozıtsııa jaqtaýshylary «úkimettik mekemelerge shashý úshin», dúısenbi kúni boıy 300 lıtrdeı qan jınaǵan. Olardyń pikirinshe, «kedeı-kepshikterdiń qany demokratııa úshin kúresýdiń sımvoly. Olardyń qany tógilgen jermen sheneýnikter júre almaýlary kerek jáne mınıstrler kabınetindegi laýazymdarynan bas tartýlary kerek».
El premer-mınıstri Abhısıt Vetchachıva dúısenbi kúni ózine qoıylǵan shartty oryndaýdan jáne parlamentti taratýdan bas tartqannan keıin, sherýshilerdi bastap otyrǵan Demokratııa jolyndaǵy birikken maıdan qozǵalysy osyndaı sharaǵa baryp otyr.
