Sherýshiler Kaır ortalyǵynda Hosnı Múbárakty otstavkaǵa ketýge shaqyrýda
ASTANA. 11 aqpan. QazAqparat - Tahrır (Bostandyq) alańyndaǵy sherýshiler Kaır ortalyǵynda osy eldiń prezıdenti Hosnı Múbáraktyń teleúndeýine ashyq qarsylyq bildirdi,
óıtkeni ol kópshilik kútken sóz, Memleket basshysy laýazymynan óziniń otstavkaǵa ketetini týraly eshteńe aıtpady. Prezıdent sóılep jatqan kezde adamdar ózderiniń aıaq kıimin sheship alyp, ony H.Múbáraktyń beınesi kóringen ekranǵa qaraı bulǵaı bastady (bul - arab elderindegi qorlaýdyń belgisi). «Múbárak joǵalsyn» degen kóterińki daýystar shyqty, dep habarlaıdy RBK France24 telearnasyna silteme jasap.
Odan ózge, tobyr arasynda barlyǵyna ortaq ereýil jasaýǵa úndegender de boldy. Adamdar sondaı-aq Tahrır alańy aýdanyndaǵy qaýipsizdikti qamtamasyz etetin áskerı bólimsheni sherýshiler jaǵyna shyǵýǵa shaqyrdy.
«Rejım - nemese halyq» - dep urandatty jınalǵandar.
