Sherýge qatysý úshin eń úzdik jáne laıyqty sarbazdar tańdalyp alyndy - general-leıtenant M. Maıkeev
Qurlyq jáne Áýe qorǵanysy kúshteri zymyrandardy, bomba laqtyrýdy naqty iske qosýdy júrgizdi, qarý-jaraqtyń barlyq túrinen jaýyngerlik atysty kórsetti.
«Otar» 40-shy áskerı polıgonyndaǵy aqtyq daıyndyqty júrgizý barysyna jetekshilik etý úshin QR Qorǵanys mınıstri Ádilbek Jaqsybekov keldi.
Polıgonda daıyndyqtyń aıaqtalýy jóninde, QR Qorǵanys mınıstriniń birinshi orynbasary - QR Qarýly Kúshteri Bas shtabynyń bastyǵy, general-polkovnık Sáken Jasuzaqovtyń qatysýymen QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaevtyń brıfıngi ótti. Brıfıng ortcom.kz, bnews.kz saıttarynda jáne «24.kz» arnasynyń tikeleı efırinde kórsetildi.
Osy áskerı sherýdiń dástúrli áskerı sherýlerden basty ereksheligi qazaqstandyq jaýyngerlerdiń kásibı sheberlikterin, qazaqstandyq armııa qoldanatyn zamanaýı qarý-jaraq pen áskerı tehnıkanyń naqty qoldanýyn kórneki kórsetý múmkindikteri bolady.
Sherýdiń áýedegi quramdas bóligi áskerı-áýe kúshteri maıdan jáne áskerı avıatsııanyń ushaqtary men tik ushaqtaryn tanystyrady. Áýede Sý-25, Mıg-29, Sý-27, L-39 jáne basqa da ushaqtar jumys isteıtin bolady. Eń joǵarǵy ushý óneriniń aıshyqtaryn «Jetisý» jáne «Suńqar» toptary kórsetedi.
Áskerı sherýde qazaqstandyq ÁÁK alǵash ret alynǵan «Airbus Military» S-295 shyǵarǵan týrbınaly-vınttik ushaqtar qatysady. Olar desanttardy túsirýdi júzege asyrady, sonymen qatar tegistelgen ushyp-qoný jolaǵyna jerge qoný boıynsha ushaqtyń múmkindikterin kórsetedi.
Áskerı sherýge qatysatyn ushý apparattarynyń úshten birin áskerı avıatsııa usynady. Qazaqstanda jınalǵan tikushaqtar qatysady.
ÁQK oqý-jattyǵýda áýe shabýylyna qarsy qorǵaný ádisterin S-125 zenıtti-zymyrandy kesheni kórsetedi. Іs-qımyldardy kórsetý úshin áýe nysanalary boıynsha zenıttik basqarý zymyrandaryn iske qosý júrgiziletin bolady.
Áskerı sherý barysynda Qurlyq áskerleriniń shynjyr tabandy jáne dońǵalaqty tehnıkalary óz tapsyrmalaryn atqarady. Arnaıy mindet júktelgen jasaq «Kobra» jáne «Hammer» áskerı tehnıkalarynda jumys isteıtin bolady.
Sherý esebiniń quramyna Qarýly kúshter bólimsheleri, áskerı oqý oryndary, sonymen qatar ІІM-niń Іshki áskerleri, UQK Shekara qyzmeti, Tótenshe jaǵdaılar mınıstrligi, Respýblıkalyq gvardııanyń saltanatty batalony kiredi.
Barlyǵy Áskerı sherýge 7 myńnan astam áskerı qyzmetkerler, 400 birlikten astam joǵary áskerı tehnıka, 80-nen asa ushaqtar men tikushaqtar qatysady.
Áskerı sherýdi ótkizý barysynda «Qazaqstan ınjınırıng» Ulttyq kompanııasy» AQ quramyna kiretin qazaqstandyq qorǵanys ónerkásibi kesheniniń kásipornynda shyǵarylǵan baılanys quraldary men qarý-jaraqtary, jańǵyrtylǵan jáne jańa áskerı tehnıkalardy kórsetiledi.
Osylaısha, áskerı, azamattyq jáne qosarly mindet júktelgen arnaıy tehnıkalar, onyń ishinde shtabtyq, áskerı, medıtsınalyq, izdestirý-qutqarý mashınalary, radıorelelik stantsııalar, ES-145 tikushaqtary, ushqyshsyz ushý apparattarynyń túrleri kórsetiletin bolady.
Memlekettik telearnalardyń tikeleı efırinen áskerı is-qımyldar is kórsetiletin bolady jáne Qazaqstannyń barlyq turǵyndary alǵash ret QR Qarýly Kúshteriniń Áskerı sherýin tamashalaı alady.
Sherýdi QR QK Qurlyq áskeriniń bas qolbasshysy «Dańq», «Aıbyn» jáne «Otanǵa qyzmeti úshin» ordenderiniń kavaleri, general-leıtenant Murat Maıkeev basqarady.
«Áskerı sherýdi ótkizýge sanaýly kúnder qaldy. Qazir asa senimdilikpen aıtýǵa bolady, osy mańyzdy oqıǵaǵa ásker daıyn,- dep atap ótti Murat Maıkeev. - Sherýge qatysý úshin eń úzdik jáne laıyqty sarbazdar tańdalyp alyndy. Kórsetilgen senimdi aqtaý úshin olar ózara is-qımyldardy, áreketterdiń úılesimdi oryndalýyn kórsetýde barynsha kúsh jumsady».