Sherýde áskerı ushaqtar áýede báıterek fıgýrasyn jasady
ASTANA. QazAqparat - Astanada Otan qorǵaýshy kúnine oraı uıymdastyrylyp jatqan merekelik áskerı sherý aıaqtaldy. Sherýdiń sońynda podpolkovnık Aıdarbek Qulashbektiń bastaýymen áýege kóterilgen ushqyshtar Sý-25 ushaqtarymen áýede báıterek fıgýrasyn jasady.
Aıta keteıik, atalmysh sherýde jalpy sany 75 áýe tehnıkasy qatysty. Onyń ishinde Qazaqstanda jasalǵan «Evrokopter» tikushaqtary, ushqyshsyz ushaqtar men eń zamanaýı áskerı soqqy berý áýe apparattary qoldanyldy.
Esterińizde bolsa, 1992 jylǵy mamyrdyń 7-inde Memlekettik qorǵanys komıteti Qazaqstan Respýblıkasynyń Qorǵanys mınıstrligi bolyp qaıta quryldy. Dál osy kúni QR Prezıdenti N.Á.Nazarbaevtyń Jarlyǵymen Qazaqstan Respýblıkasynyń Qarýly Kúshteri quryldy. 7-shi mamyr - Otan qorǵaýshy kúni Bas qolbasshy - Elbasy kezekti áskerı shender berý týraly Jarlyqqa qol qoıyp, erekshe kózge túsken áskerı qyzmetkerlerdi marapattaıdy.
2012 jylǵy 4 qazanda QR Parlamenti "Qazaqstan Respýblıkasyndaǵy merekeler týraly" Qazaqstan Respýblıkasynyń zańyna ózgerister engizý týraly" erejeni qarap, qabyldaǵan bolatyn. Zańǵa sáıkes 7 mamyr memlekettik mereke bolyp jarııalandy jáne demalys kúni bolyp sanalady.
