Shertpe kúı festıvaliniń fınaly Almatyda ótedi

ASTANA. QazAqparat – «Shertpe kúı» dástúrli mýzyka festıvali 3 jeltoqsanda Almaty qalasynda qorytyndylanady. Bul týraly Ortalyq kommýnıkatsııalar qyzmetindegi brıfıngte Mádenıet jáne sport mınıstrligi Mádenıet komıteti tóraǵanyń orynbasary Danııar Álıev málim etti, dep habarlaıdy QazAqparat tilshisi.

«16-23 qyrkúıekte 16-35 jas aralyǵyndaǵy kúı salasynyń bilikti mamandary men jastar qatysqan respýblıkalyq «Shertpe kúı» dástúrli mýzyka festıvali óz mejesine jetedi. Atap aıtqanda, ol 3 jeltoqsanda Almaty qalasynda Qurmanǵazy atyndaǵy orkestrde qorytyndylanady. Bas júlde - 1 mln teńge. Al, 1-oryn - 750 myń, 2-oryn – 500 myń, 3-oryn – 300 myń teńge», - dedi Danııar Álıev.

Sonymen qatar, atalǵan festıvalge qatysýshylarǵa arnaıy syılyqtar da tabystalady.

Konkýrstyń fınalynda baq synaıtyn 45 dombyrashynyń ónerine Janǵalı Júzbaı, Seken Turysbekov, Bilál Ysqaqov, Murat Abýǵazy jáne Batyrjan Myqtybaev sııaqty shertpe kúıdiń maıtalmandary qazylyq etedi.