Sheremet kóliginiń astyna jarylǵysh zatty áıel qoıǵan (VIDEO)
Kadrlarda er adam jergilikti ýaqytpen saǵat 00:22-de kólikke jaqyndap, júrgizýshiniń ornyna otyryp, kólikke bir nárse bekitedi. Túngi saǵat 2-lerde Sheremet turǵan úıge qaraı áıel bara jatady, odan birneshe metr jerden er adamdy da kórýge bolady.
Áıeldiń qolynda aýyr paket bar. «Obozrevatel» atap ótkendeı, tergeý nusqasy boıynsha osy pakette jarylǵysh zat bolýy múmkin. Saǵat 02:38-de ekeýi kezdesip, sóılesken soń tarqasady. Áıel Sheremettiń kóligine baryp, paketten bir zatty alyp, kóliktiń astyna qoıyp ketedi.
20 shildede Pavel Sheremet otyrǵan "Ýkraınskaıa pravda" basshysy Alena Prıtýlaǵa tıesili avtokólik Kıevte jaryldy. Jýrnalıst ajal qushty. Prıtýla bul kezde kólikte bolmaǵan. Atalǵan fakt boıynsha qylmystyq is qozǵaldy. Tergeý Sheremet óliminiń birneshe nusqasyn qarastyryp jatyr, dep jazdy tvzvezda.ru.