Sheremetevodaǵy ushaq apaty: Borttaǵy 78 adamnyń 37-si tiri qalǵan
MÁSKEÝ. QazAqparat-TASS - Tergeý komıteti Sheremetevo áýejaıynda órtengen Sukhoi Superjet 100 ushaǵynyń bortynda bolǵan 78 adamnyń 37-si tiri qalǵany týraly málim etti. Bul jaıly jýrnalısterge jeksenbi kúni TK resmı ókili Svetlana Petrenko aıtty, dep habarlaıdy TASS.
«Máskeý-Mýrmansk baǵytynda reısti oryndaǵan áýe laıneriniń bortynda ekıpaj múshelerin qosqanda 78 adam bolǵan. Qazirgi ýaqytta tergeý barysynda anyqtalǵan derek boıynsha olardyń 37-si tiri qalǵan.
Tergeýshiler zardap shekkenderden, oqıǵany kózimen kórgenderden, áýejaı qyzmetkerlerinen jáne tasymaldaýshy-áýe kompanııasynan, sondaı-aq áýe kemesin paıdalanýǵa qatysy bar tulǵalardan jaýap alýǵa kiristi.
