«Sheremetevoda» 26 myń gaýhar tárkilendi
ASTANA. 11 naýryz. QazAqparat - Máskeýdiń «Sheremetevo» áýejaıynda bir jolaýshydan 26 myń gaýhar tárkilendi, dep habarady reseılik «Jańalyqtar» agenttigi Federaldyq keden qyzmetiniń baspasóz qyzmetine silteme jasap.
Baǵaly tastar júgin jasyryn alyp ótpekshi bolǵan Reseı azamaty Máskeýge Dýbaıdan keldi. Túrli-tústi gaýhar tastardan basqa, odan bes IPhone 5 telefony men osyndaı telefondardyń 249 qoraby tabyldy.
«Zvezda» telearnasynyń aqparaty boıynsha, gaýhar tastar partııasynyń quny bes mıllıon rýblge baǵalanady.
Gaýhar tastar saraptamaǵa jiberildi, qylmystyq is qozǵaý máselesi sheshilýde. Ustalǵan adam júktiń óziniki emes ekenin aıtyp aqtalýda.
