Sheremetevo áýejaıynda eki ushaq soqtyǵysty
ASTANA. QazAqparat - Sheremetevo áýejaıynda eki ushaq soqtyǵysty, dep habarlaıdy RBK.
Laınerdiń bortynda jolaýshylar da ekıpaj músheleri de bolmaǵan, dep habarlaıdy áýejaıdyń baspasóz qyzmeti.
Agenttik ókiline osy másele boıynsha suhbat bergen adamnyń aıtýynsha, eki ushaqty da «Aeroflot» paıdalanady.
Baspasóz qyzmetiniń málimetteri boıynsha, ushaqtardyń birin súıreý kezinde ol ekinshisine soqtyǵysqan. Ekinshi ol laıner ol kezde perronda turǵan.
Qazirgi tańda osy oqıǵanyń sebep saldaryna qatysty ishki tekserý jumystary júrip jatyr.
Osyǵan deıin Sheremetevo áýejaıynda A321 ushaqtarynyń soqtyǵysqandyǵyn derekkózge silteme jasap REN TV arnasy habarlaǵan bolatyn. Onyń ókiliniń sózinshe, laınerlerdiń qanattary bir-birine tıip ketken.
Naqtyraq aıtqanda, Vladıvostokqa ushýy tıis ushaqqa otyn quıylyp jatqan. Ekinshi ushaqty bul ýaqytta súırep bara jatqan bolatyn.
