Sheremetevo áýejaıynda áýe taksıi jumys isteı bastady
ASTANA. 12 qyrkúıek. QazAqparat - Máskeýdiń Sheremetevo áýejaıy aýmaǵynda tikushaq alańy ashyldy. Endigi ýaqytta áýejaı jolaýshylarǵa qyzmettiń jańa túri - áýe taksıin usynatyn bolady, dep habarlady Ýtro.rý.
Tikushaqty kásibı ushqyshtar basqarady. Áýejaı basshylyǵynyń boljamynsha, bul qyzmetti ýaqytyn únemdegisi keletin kásipkerler paıdalanady.
Taksı qyzmetin atqaratyn tikushaqtar sany belgisiz. Sonymen qatar ushý baǵasynyń qansha bolatyndyǵy da ázirshe resmı jarııa etilgen joq.
Aıta keterligi, qazirdiń ózinde Máskeýde úı tóbesinde tikushaq qonatyn arnaıy alań jasalǵan birneshe turǵyn úı kesheni bar. Budan bólek, Kashırskıı tas joly boıynda, «MEGA Belaıa dacha» saýda ortalyǵyna jáne Mytışınskıı bazaryna taqaý tusta tikushaq alańyn salý josparlanýda.
