Sheremetevo áýejaıyna qolaısyz aýa raıy saldarynan 30 ushaq qona almaýda
ASTANA. 29 qazan. QazAqparat - Qolaısyz aýa raıy Sheremetevo áýejaıynyń jumysyna zııanyn tıgizdi, dep jazady RosBıznesKonsaltıng.
Aýa raıynyń qolaısyzdyǵynan otyz reıs keshigý ústinde, delingen aeroaılaq saıtynda.
Atap aıtqanda, Pragadan Venaǵa, Berlınnen Ekaterınborǵa deıingi reıster keshiktirildi. Sol ýaqytta Sankt-Peterbordyń 025-shi reısi jergilikti ýaqyt boıynsha saǵat 22:30-da qondy, biraq keshigip qaldy. Saǵat 22:36-da Sheremetevoda sondaı-aq Parıjden ushyp kelgen ushaq qondy.
Máskeýden Peterborǵa deıingi eki reıs keıinge qaldyryldy. Olar soltústik astanadan belgilengen ýaqytta usha almady.
Budan basqa, Domodedovoda ushýy tıis tórt reıs toqtatylyp, on alty reıs keshiktirilip qondyryldy. Vnýkovodan toǵyz ushaq usha almaı, al jeteýi qona almaýda.
Ótken túni Reseı astanasynda 6 sm-ge deıin qar jaýdy, odan keıin áli de basylmaı otyrǵan jańbyr jaýyp ketti. Aýa raıynyń qolaısyzdyǵy Máskeýdegi kóptegen usaq jol apattaryna sebep boldy. Bul rette máskeýlik oramdy avtomobıl jolynda topyraqtyń oıylýy saldarynan 17 kólik apatqa ushyrady.
