Shengen ishindegi shekaralyq baqylaý taǵy úsh aıǵa sozyldy
BRıÝSSELЬ. QazAqparat - EO keńesi jumada Shengen aımaǵy ishki shekaralaryndaǵy baqylaýdy taǵy 3 aıǵa uzartý týraly sheshim qabyldady, dep habarlady Brıýsseldegi «QazAqparat» HAA menshikti tilshisi Eýropalyq komıssııanyń baspasóz qyzmetine silteme jasaı otyryp.
«EO keńesi Shengen aımaǵynyń Germanııadaǵy, Avstrııadaǵy, Shvetsııadaǵy, Danııadaǵy jáne Norvegııadaǵy keıbir ishki shekaralaryndaǵy baqylaýdy taǵy úsh aıǵa sozý týraly Eýrokomıssııanyń usynysyn qabyl aldy», deıdi Eýrokomıssııadan. Bul elder burynyraq Shengen aýmaǵyna zańsyz mıgranttardyń qaıtadan aǵyla bastaýynyń saldarynan qoǵamdyq tártip pen ishki qaýipsizdikke baılanysty shekaralyq baqylaý engizgen bolatyn. «EO Keńesiniń usynymyna sáıkes ishki shekaralarda baqylaýdy jalǵastyrýǵa bel býǵan EO-ǵa múshe elder baqylaýdyń oryndylyǵyn, jıiligin, orny men ýaqytyn apta saıyn qarap otyrýlary tıis, sondaı-aq onyń qaýipterge sáıkes keletin deńgeıge deıin onyń qarqyndylyǵyn ornatý jáne kez kelgen jerde qujattar tekserýdi doǵarý qajet», dep eskertti Eýrokomıssııa. Shekaralardy basqarý sheshiminde eleýli ilgerileýdiń bolýyna qaramastan, Shengendi qalpyna keltirý boıynsha «jol kartasynyń» barlyq sharttary oryndalǵan joq, bul Shengen aımaǵy ishinde «qaıtalama» táýekeldiń saqtalyp otyrǵanyn ańǵartady.
