Shengen aýmaǵynyń turaqtylyǵyn qamtamasyz etý úshin Eýroodaqta ishki shekaralyq baqylaý engizilýi múmkin
SSELЬ. 5 mamyr. QazAqparat /Dımash Syzdyqov/ - Shengen aýmaǵynyń turaqtylyǵyn qamtamasyz etý úshin, osy kelisimge qatysýshy elderde tótenshe jaǵdaılarda,
mysaly shekaraǵa salmaq túsken kezderi ishki shekaralyq baqylaý engizilýi múmkin.
Eýrokomıssııa maquldaǵan Eýroodaq Keńesi men Eýroparlament úshin Kóshi-qondy basqarýdy jaqsartý máseleleri jónindegi kommıýnıkeni tanystyrǵan Іshki ister máseleleri jónindegi eýrokomıssar Sesılııa Malmstrem Brıýsselde osyndaı málimdeme jasady.
Onyń aıtýynsha, Soltústik Afrıka men Taıaý Shyǵystaǵy oqıǵalar 650 myńnan astam adamnyń oryndarynan qozǵalýyna sebep bolǵan jáne olardyń 25 myńdaıy Eýropadan pana izdeýde. Osyǵan oraı, Eýroodaqtyń keıbir músheleri mıgranttardyń úlken aǵymyna ushyrap otyr.
«Sońǵy oqıǵalar Shengen júıesiniń jumysyna alańdaýshylyq týǵyzyp otyr. Eýropa shekaralary arqyly adamdardyń erkin qozǵalysy úlken jetistik, biz onyń kúshin toqtata almaımyz. Sondyqtan da buǵan deıin Eýrokomıssııa syrtqy shekaralardyń tıimdi baqylaýyn qamtamasyz etýdiń tetikterin usynǵan bolatyn. Shengen aýmaǵynyń turaqtylyǵyn qamtamasyz etý úshin, sondaı-aq syrtqy shekaralarǵa kenetten salmaq túsken jaǵdaılarda, shekteýli ishki shekaralyq baqylaýdy ýaqytsha qalpyna keltirýimiz qajet»,- dep atap kórsetti S.Malmstrem hanym.
Eýrokomıssııanyń usynysy 12 mamyrda ótetin Ádilet jáne ishki ister mınıstrleri keńesiniń shuǵyl otyrysynda jáne 24 mamyrda ótetin Eýropalyq Odaq májilisinde talqylanady. Sondaı-aq Eýrokomıssııa 24 mamyrda kóshi-qon saıasaty boıynsha usynystar toptamasyn maquldamaq.
