Shengen aýmaǵyna kirý talaptary ózgerdi — Saıahatshylar neni eskerýi kerek
ASTANA. KAZINFORM — QR Syrtqy ister mınıstrligi azamattarǵa Shengen aımaǵy elderinde avtomattandyrylǵan kirý-shyǵý júıesiniń (EES — Entry/Exit System) engizilgenin habarlady. ıAǵnı, 10 sáýirden bastap Shengen aımaǵynyń 29 elinde Eýropalyq komıssııa engizip otyrǵan EES júıesi tolyqqandy jumys isteı bastady.
Atalǵan júıe úshinshi elderdiń azamattarynyń Shengen aımaǵynyń syrtqy shekaralaryn kesip ótýin tsıfrlyq esepke alýǵa arnalǵan jáne is júzinde tólqujattarǵa mór basý rásimin almastyrady.
Ol týrısterdi, iskerlik saparmen keletin tulǵalardy, sondaı-aq tranzıttik jolaýshylardy qosa alǵanda, saıahatshylardyń barlyq sanatyna qoldanylady.
— Shengen aımaǵyndaǵy elderdiń birine alǵash ret kirgende shetel azamattarynan jol júrý qujattarynyń derekteri, bıometrııalyq málimetter, sondy kirý jáne shyǵý kúni men orny mindetti túrde tirkeledi. Bul rette 12 jasqa tolmaǵan balalardyń saýsaq izderi alynbaıdy. Bul derekter úsh jyl boıy saqtalady. Júıege kirýge tyıym salý jaǵdaılary da tirkeledi. Keıingi saparlarda shekaradan ótý rásimi ádette jeńildetilip, tulǵany bet-beınesi arqyly rastaýdy kózdeıdi, — dedi Syrtqy ister mınıstrliginiń resmı ókili Erlan Jetibaev.
Bıometrııalyq derekterdi usynýdan bas tartqan jaǵdaıda, Shengen aımaǵyna kirýge tyıym salynady.
Júıeniń jumys isteýiniń bastapqy kezeńinde, ásirese alǵashqy kirý pýnktterinde shekaralyq baqylaýdan ótý ýaqyty uzarýy múmkin. Osyǵan baılanysty tranzıtpen jol júretin Qazaqstan azamattaryna reıster arasynda aýysýǵa qosymsha ýaqyt qarastyrý usynylady.
— Rásimderdi jeńildetý maqsatynda Eýropalyq Odaq Travel to Europe mobıldi qosymshasyn ázirledi. Onda kelýge deıin 72 saǵattan erte emes merzimde pasport derekterin jáne bıometrııalyq foto sýretti júkteýge múmkindik beredi. Sonymen qatar, qosymshany paıdalaný shekaralyq baqylaýdan ótýden bosatpaıdy, — dedi QR SІM resmı ókili.
Aıta keteıik, 1 shildede Reseı aýmaǵyna kirý talaptary da ózgeredi.
