Sheneýnikti bopsalaǵan: BQO-da blogerdiń ústinen qylmystyq is qozǵaldy

ASTANA. KAZINFORM — Ulttyq qaýipsizdik komıteti Batys Qazaqstan oblysynda bloger Aıbolat Bókenovtiń ustalǵany týraly málimetke resmı túsinik berdi. 

— UQK kórsetilgen tulǵaǵa qatysty Qylmystyq kodekstiń 194-baby boıynsha sotqa deıingi tergeý júrgizilip jatqanyn habarlaıdy. Qylmystyq-protsestik kodekstiń 201-babynyń 1-tarmaǵyna sáıkes ózge aqparat jarııa etýge jatpaıdy, — dep jazylǵan komıtettiń Kazinform saýalyna bergen jaýabynda.

Aıta ketý kerek, bir apta buryn áleýmettik jelide tanymal bloger Aıbolat Bókenovty Ulttyq qaýipsizdik komıtetiniń Batys Qazaqstan oblysyndaǵy departamenti qamaýǵa alǵany týraly málimet taraǵan. 

Beıresmı aqparatta bloger jergilikti sheneýnikterdiń birinen bopsalap aqsha alǵany aıtylǵan edi. UQK jaýabynda da atalǵan adam «Bopsalaý» baby boıynsha tergeýge alyndy delingen.

Onyń kinási dáleldense, Qylmystyq kodekstiń 194-baby boıynsha 4 jylǵa deıin bas bostandyǵynan aıyrylýy múmkin.

Buǵan deıin ózin blogermin dep tanystyrǵan aqtóbelik sottalǵany jazǵan edik.