«Sheneýnikterimizdiń tek shetelderde emdelýinen-aq elmizdiń medıtsınasynyń jaǵdaıyn uǵýǵa bolady» - respýblıkalyq basylymdarǵa sholý
***
«Keshe Memleket basshysy Qaraǵandy oblysynyń ákimi Serik Ahmetovti qabyldady», - dep jazady «Egemen Qazaqstan» gazeti. Basylymnyń atap ótýinshe, S.Ahmetov Memleket basshysyn oblystyń áleýmettik-ekonomıkalyq damýy jóninde aǵymdaǵy jyly atqarylǵan jumysy týraly habardar etti. 8 aıdyń qorytyndysy boıynsha ónerkásip ónimi óndirisiniń kólemi 870 mlrd. teńgeden asty. Bul rette 2011 jyldyń sońynda aıǵaqty kólem ındeksi 105 paıyz bolady dep kútilýde. Qaraǵandy oblysy údemeli ındýstrııalyq-ınnovatsııalyq damý baǵdarlamasy aıasyndaǵy jobalardy iske asyrý boıynsha elimizdiń ózge óńirleri arasynda kósh bastap keledi. Esep qorytyndysy boıynsha Memleket basshysy Qaraǵandy oblysynyń ákimine óńirdi áleýmettik-ekonomıkalyq jaǵynan odan ári damytýǵa qatysty naqty tapsyrmalar berdi.
«Egemen Qazaqstan» gazetiniń jazýynsha, keshe Syrtqy ister mınıstrliginiń ǵımaratynda elimizdegi Frantsııa men Shveıtsarııanyń Tótenshe jáne ókiletti elshileri jýrnalısterge arnap baspasóz máslıhatyn ótkizip, onda qazaqstandyq ulttyq tólqujat ıelerine 3 aıdan aspaıtyn qysqa merzimge vıza berýde eki el arasynda kelisim jasalǵanyn aıtty. Endi Frantsııa men Shveıtsarııanyń Qazaqstandaǵy elshilikteri elimizdiń ulan-ǵaıyr aýmaǵyn eskerip, azamattar turǵylyqty oryndarynan vıza úshin óte uzaqqa jol tartpasyn dep Aqmola, Qaraǵandy, Shyǵys Qazaqstan, Pavlodar, Soltústik Qazaqstan, Qostanaı, Aqtóbe, Batys Qazaqstan, Atyraý jáne Mańǵystaý oblystarynyń turǵyndarynyń vıza alýǵa ótinishterin Astana qalasyndaǵy Shveıtsarııa elshiligine, al Almaty, Jambyl, Ońtústik Qazaqstan jáne Qyzylorda oblysynyń azamattary Almaty qalasyndaǵy Frantsııa Bas konsýldyǵyna tapsyrý múmkindigin týǵyzǵan. Bul kelisim qazan aıynyń 3-inen bastap kúshine enetin boldy.
***
«Karýsel degen aınalyp turatyn attraktsıondy bilmeıtin adam joq shyǵar, sirá. Bir oryndyǵyna jantaıǵan jan bir jerdi birneshe ret aınalady. Sol sııaqty saıasattyń da ózindik karýseli bar. Buǵan dálel - Máskeý «attraktsıony». Dálirek aıtqanda - Kreml karýseli», dep jazady «Alash aınasy» gazeti búgingi nómirinde jaryq kórgen «Kreml karýseli qyzyq teńseledi» degen maqalasynda. Basylymnyń atap ótýinshe, Reseıdiń saıasaty aldaǵy onjyldyqta ózgerissiz qalady. Pýtın-Medvedov tandeminiń búgingi jeńisi erteń ózderine strategııalyq soqqy bolyp tııýi múmkin. Sebebi Reseıde jasyratyn joq, neoımperıalıstik saıasat júrgizilip keledi.
Osy basylymnyń turaqty «Dat!» aıdarynda «Aman-saýlyq» qoǵamdyq qorynyń prezıdenti KSRO densaýlyq saqtaý isiniń úzdigi Baqyt Túmenovamen aradaǵy suhbat «Sheneýnikterimizdiń tek shetelderde emdelýinen-aq elmizdiń medıtsınasynyń jaǵdaıyn uǵýǵa bolady» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Elimizdegi jaǵdaıy bar adamdar balalaryn shetelge oqýǵa jiberýge áýes. Al shetelge oqýǵa barǵan balalar ebin taýyp, sińisip sonda qalýǵa tyrysady. ıAǵnı olar bizdiń elimizdiń bolashaǵyna senbeı otyrǵandaı. Elimizde halyq sany onsyz da az», - deıdi.
***
Qazaqstannyń 8 azamaty el táýelsizdiginiń 20 jyldyǵyn Ońtústik polıýste qarsy alyp, 16 jeltoqsan kúni Antarktıdada da kók baıraǵymyzdy jelbiretedi. Bul jaǵymdy jańalyq «Aıqyn» gazetinde «Antarktıdada kók baıraǵymyz jelbireıdi» degen taqyryppen berilgen. Basylymnyń atap ótýinshe, avtokólik ekspedıtsııasynyń qaýipsizdigi jan-jaqty qamtamasyz etilgen, osyǵan deıin avtkólikter 2308 shaqyrym joldy artqa tastap, Novolazerevskaıa beketi men Ońtústik polıýs aralyǵyn 108 saǵatta júrip ótken. Bul jetistik dúnıejúzi boıynsha Antarktıdaǵa kvtokólikpen jetýdiń eń jyldam kórsetkishi retinde Gınnestiń rekordtar kitabyna engizilgen.
***
«Keshe Qaýipsizdik Keńesi hatshysynyń orynbasary Qozy-Kórpesh Jańbyrshınniń tóraǵalyǵymen Qaýipsizdik Keńesi vedomstvoaralyq komıssııasynyń kezekti otyrysy boldy», - dep jazady «Kazahstanskaıa pravda» gazeti. Basylymnyń atap ótýinshe, Otyrysta eldiń shekara qaýipsizdigin qamtamasyz etý jáne qýatty qurylymdar qyzmetin jetildirý máseleleri qarastyryldy. Komıssııa otyrysynda sóz alǵan memlekettik organdar ókilderi óz quzyretteri sheńberinde ulttyq qaýipsizdikti qamtamasyz etý jóninde qabyldanýdaǵy sharalar týraly habarlady.
