Sheneýnikterge BAQ pen jelide aıtylǵan eskertpelerge nazar aýdarý tapsyryldy
TÚRKІSTAN. QazAqparat - Túrkistan qalasynda jastar saıasaty, din isteri, bilim, ishki saıasat jáne ıdeologııa salalaryndaǵy ózekti máseleler talqylandy, dep habarlaıdy QazAqparat tilshisi.
Keleli kezdesýde 4 basqarmanyń basshysy atqarylǵan jumystarmen qatar qordalanǵan túıtkilder jóninde baıandama jasap, olardy sheshý joldary men usynystaryn aıtty.
Oblysyq ishki saıasat basqarmasynyń basshysy Beısenbaı Tájibaev aýdan, qala ákimdikeri men basqarmalar kez kelgen máseleler boıynsha jedel áreket etip, shynaıy aqparat berýleri tıis ekenin aıtty. «Rýhanı jańǵyrý» baǵdarlamasyn júzege asyrý, tsıfrlyq efırlik tele-radıo habarlaryn taratýǵa kóshý jáne jańa medıany damytý baǵytyndaǵy usynystaryn jetkizdi.
«Oblys ómirine qatysty ózekti máseleler boıynsha tıisti aýdan, qala ákimdikterinde daǵdarysqa qarsy shtab qurylyp, árbir másele jiti qaralyp, onyń sheshilýi basty basymdyq bolýy tıis. Sonymen qatar memlekettik baǵdarlamalardy jáne olardyń oryndalý barysyn nasıhattaý jumystary kúsheıtiledi. Árbir aýdan, qala ákimdikteri BAQ-ta jáne áleýmettik jeldegi usynystar men syn-eskertpelerge nazar aýdarýy tıis. Osy arqyly rezonansty jaǵdaılardyń aldyn alyp, halyqqa burmalanbaǵan, shynaıy aqparat taratylady. Ol úshin memlekettik mekemeler jedel áreket etip, sol kemshilikti joıyp, zań talabyna saı jaýap berýge kúsh salýlary tıis. Aldaǵy ýaqytta ıdeologııalyq sala qyzmetkerleriniń biliktiligin arttyrý boıynsha oblystyq semınar-trenıngter uıymdastyrylady», - dedi Beısenbaı Tájibaev.
Al, din isteri basqarmasy basshysynyń mindetin atqarýshy Raýshan Júnisovanyń aıtýynsha, Túrkistan oblysynda Qazaqstan musylmandary dinı basqarmasynyń fılıaldary, ıaǵnı, meshitterdiń sany 719-ǵa jetken. Aldaǵy ýaqytta demeýshilerge meshitpen qatar, mádenıet jáne sport nysandary men ózge de áleýmettik nysandar salý jóninde túsindirme jumystary kúsheıtilmek.
Oblys ákiminiń orynbasary Ulasbek Sádibekov jıyndy qorytyndylap, sala basshylaryna naqty tapsyrmalar berdi.
«Árbir basqarma ózine júktelgen mindetti sapaly oryndap, jumysty shıratqandary jón. Sońǵy jyldary oblysta bolǵan oqıǵalardy zerdelep, onyń qaıtalanbaýyna kúsh salyńyzdar. Bilim, jastar, din jáne ıdeologııa salalaryna artylar mindet aýyr. Sondyqtan máseleniń saldarymen kúresý emes, onyń aldyn alǵan tıimdi»,- dedi Ulasbek Sádibekov.
