Sheneýnikterdiń sán-saltanatty ómirge qumarlyǵyn qur shekteýmen tyıa almaımyz - Alık Shpekbaev

NUR-SULTAN. QazAqparat – Qarapaıymdylyq pen kishipeıildilik – memlekettik qyzmetshiler minez-qulqynyń qaltqysyz qaǵıdasyna aınalýy tıis. Bul týraly QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev aıtty, dep habarlaıdy QazAqparat tilshisi.

«Biz tek shekteý sharalarymen sheneýnikterdiń sán-saltanatqa toly ómirge qumarlyǵyn joıa almaıtynymyzdy túsinýimiz qajet. Qymbat shıpajaıda otbasymen sýretke túsý, brend dúkenderden shoppıng jasaý, qymbat kólik miný – bir sátte áleýmettik jelilerde tarap, halyqtyń zańdy synyna ushyraıdy. Dana halqymyz «Ulyq bolsań, kishik bol» dep beker aıtpaǵan», - dedi Alık Shpekbaev agenttiktiń alqa otyrysynda.

Onyń paıymynsha, qarapaıymdylyq pen kishipeıildilik – memlekettik qyzmetshilerdiń minez-qulqynyń qaltqysyz qaǵıdasyna aınalýy tıis.

«Bul eń aldymen, basshy laýazymdaǵy sheneýnikter men onyń otbasy múshelerine qatysty. Biz barlyq qoǵamdy jumyldyra otyryp, bul baǵytta júıeli jumys júrgizýimiz qajet», - dedi agenttik tóraǵasy.