Sheneýnikterdiń kólikteri arnaıy qyzmet arqyly satyp alynady - Qarjy mınıstrligi
QR Qarjy vıtse-mınıstri Rýslan Beketaevtyń aıtýynsha, atalǵan qyzmetter arqyly sheýnikterdiń qyzmettik kólikteri de satyp alynady. «Aldaǵy ýaqytta taýar men qyzmetterdi ǵana emes, kólik quraldaryn da ortalyqtandyrylǵan júıege keltirý josparlanyp otyr. Endi, atalǵan másele zańda ashyq jazylmasa da, tıisti erejelerge silteme beriledi. Al erejelerde biz kólik quraldaryn ortalyqtandyrylǵan júıemen satyp alý mindetin naqty jazyp qoıamyz. Buryn ondaı júıe bolmaǵan. Zań jobasy satyp alýdyń ortalyqtandyrylǵan qyzmetterin qurýdy kózdeıdi. Qarjy mınıstrligi bolsa, taýar men qyzmetterden bólek, kólik quraldaryn da atalǵan qyzmetter arqyly satyp alýǵa den qoıady», - dedi R.Beketaev jýrnalısterge bergen suxbatynda.
Aıta keteıik, búgin vıtse-mınıstr Rýslan Beketaev memlekettik jáne kvazımemlekettik satyp alýlar salasyndaǵy zańnamaǵa ózgerister men tolyqtyrýlardy tanystyrdy. Onyń aıtýynsha, memlekettik satyp alýlar kezinde dempıngke qarsy norma engiziledi. Qazirgi kezde osy salada taýar men qyzmetterdi «bir qoldan» satyp alý máselesi ýshyǵyp tur.
