Sheneýnikterdiń aqparat berý máselesindegi dıskrettik ókilettigin qysqartý qajet - sarapshy
«Árıne, qyzmettik paıdalanýǵa arnalǵan degen tańba úlken problemaǵa aınalyp otyr. Osyǵan baılanysty «Aqparatqa qoljetimdilik týraly» Zańda aqparatqa ıeliketýshilerdiń dıskrettiń ókilettigin tómendetýdi usynar edik. Otandyq jáne halyqaralyq tájirıbe jarııa qzymetshilerge keń múmkindik, dıskrettiń ókilettik berý jemqorlyq qylmystar úshin jaǵdaı jasap qana qoımaı, sonymen birge jemqorlyqqa da jan-jaqty sep bolatyndyǵyn dáleldep otyr», - dedi ol «Densaýlyq saqtaý salasynyń ashyqtyǵy: Jańa trendter aqparatqa qoljetimdilikke qalaı yqpal etedi» degen taqyryptaǵy onlaın pikirtalas barysynda.
Onyń atap ótýinshe, zań buzýshyǵa sanktsııaqoldaný ne qoldanbaý máselesin laýazymdy tulǵanyń qaraýyna qaldyrý da jemqorlyqqa jan-jaqty jol ashady.
«Buǵan qosa, «Aqparatqa qoljetimdilik týraly» Zań aqparatty ıelenýshige, laýazymdy tulǵaǵa sýbektıvti sheshim negizinde aqparatqa qoljetimdilik quqyǵyn shekteýge múmkindik beretin, jan-jaqty dıskerttik ókilettik júkteıtin kóptegen normany qamtıdy. Zańda aqparatty ıelenýshige jáne laýazymdy tulǵaǵa aqparatqa qoljetimdilik quqyǵyn shekteý, aqparat berýden bas tartý, shaǵymdardyń basym tártippen qaraý, laýazymdy tulǵanyń, aqparat ıelenýshiniń áreket etýi nemese áreket etpeýi boıynsha ókilettikter júktelgen», - dedi Aıan Tórequlov.