Sheneýnikterdi otandyq kólik minýge mindetteý qandaı nátıje bermek

NUR-SULTAN. QazAqparat – QR Indýstrııa jáne ınfraqurylymdyq damý vıtse-mınıstri Amanııaz Erjanov memlekettik satyp alýlar aıasynda memorgandarǵa shetel avtomobıli men tehnıkasyn alýǵa tyıym salýdan bolatyn nátıjemen bólisti, dep habarlaıdy QazAqparat tilishisi.

«Birneshe jyldan beri Kedendik odaq aýmyǵynda, ıaǵnı EAEO aıasynda ulttyq rejimnen alyp tastaý sekildi túsinik qoldanylyp keledi. Osy jyldary bizdiń bıznes-qoǵamdastyq bul rette ótinim jasamady jáne mundaı jeńildikterdi paıdalanbady. Ótken aptada ulttyq rejimnen alyp tastaýdy belgileý boıynsha Úkimet qaýlysy qabyldandy. Onyń tizimine avtomobılder, transformatorlar men kabelder endi»,- dedi A. Erjanov Úkimet úıinde ótken baspsóz máslıhatynda.

Osy oraıda ol atalǵan tyıym salýdyń tetigin túsindirdi.

Atap aıtqanda, úsh birdeı qaýymdastyq tıisti usynys engizip, onda osy ónim túrleri boıynsha ulttyq rejimnen alyp tastaýdy bekitý eskerilgen. Bul turǵyda memlekettik satyp alýlardy iske asyrý kezinde mashına jasaý ónimderi úshin, ıaǵnı ımporttyq kólikterdi alýǵa eki jyldyq tyıym salý rejimi bekitildi.

«Tek otandyq ónim satyp alynady. Osy salalarda otandyq kásiporyndardyń damýy bolady dep josparlyp otyrmyz. Budan buryn osy úshin transformator men avtomobıl boıynsha ımporttyq ónim alynǵan edi», - dedi ol.

Budan buryn habarlanǵandaı, sheneýnikter otandyq kólik minýge mindetteledi.

Úkimet basshysy memlekettik satyp alýlarǵa ımporttyq avtokólikterge 2 jyl merzimge tyıym salý týraly Qaýlyǵa qol qoıdy.