Sheneýnikterdi qamaý jemqorlyqty júıeli túrde sheshpeıdi – Marat Ahmetjanov

NUR-SULTAN. QazAqparat – Elimizde sybaılas jemqorlyqqa qarsy kúres qalaı júrgizilip keldi jáne búginde agenttik paraqorlyqpen qalaı kúresip jatyr? Bul týraly QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov aıtyp berdi, dep habarlaıdy QazAqparat tilshisi.

«Búginge deıin agenttik qylmystyq qýdalaý organy retinde jumys istep keldi. Bul tásilmen uzaq jumys istedik. Osyǵan deıin agenttik jumystyń tıimdiligi qylmystyń sany men shýly qamaýlarmen baǵalanyp keldi. Bul jumys ádisi sol zamannyń jemqorlyq sıpıtyna sáıkes boldy. Jumys tásilderi óte qarapaıym edi. ıAǵnı, kúdiktini para alý ústinde ustaısyń, qamaısyń, sosyn tergeýdi tezirek aıaqtap, is sotqa jiberiledi. Jyl saıyn myńdaǵan jemqorlardyń ustalǵany týraly baıandaý úshin osy tásil jetkilikti edi. Qoǵam Antıkordyń jumysyn osyndaı kórsetkishtermen baǵalaýǵa úırenip qalǵan sııaqty», - dedi Marat Ahmetjanov óz baıandamasynda.

Sondaı-aq, agenttik basshysynyń aıtýynsha, paraqorlardy qamaýmen is bitpeıdi.

«Biraq laýazymdy tulǵalardy ustaý, sybaılas jemqorlyq problemasyna núkte qoımaıtynyn túsinýimiz kerek. ıAǵnı, sheneýnikterdi ustap, qamaý, jemqorlyqty júıeli túrde sheshpeıdi. Ustalǵan paraqordyń ornyna basqasy keledi de, eski ádiske salyp jumysty jalǵastyra beredi. Bul máselege Memleket basshysy da erekshe nazar aýdardy. Prezıdent «Jemqorlyqtyń negizgi sharttaryn joımaı, onymen kúresý jel dıirmenimen alysýmen birdeı» dep baǵasyn berdi. Osy oraıda bizdiń agenttik jumys tásilin ózgertip, jańashyldyqqa qadam basty. Bul baǵytta tsıfrlandyrý da óz úlesin qosyp jatyr», - deıdi vedomstvo basshysy.