Sheneýnikter jemqorlyqtyń áldeqaıda kúrdeli, jańa joldaryn oılap taýyp jatyr - Ahmetjanov
«Búginde sybaılas jemqorlyq jasaýdyń sıpaty ózgerdi. Jemqorlyq qadamyna barýshylar jańa jaǵdaıǵa beıimdeldi. Elimizde sybaılas jemqorlyq qadamy aqyldy, kúrdeli jáne júıeli bola bastady. ıAǵnı, bıýrokratııalyq kedergiler ádeıi jasalyp, zańsyz baıý maqsatynda erejeni qoldan kúrdelendire túsedi. Sondaı-aq, keıbir laýazymdy tulǵalar is qozǵalǵan jaǵdaıda onyń fýnktsıonaldyq mindetine kirmeıtindeı etip, jaýapkershilikke almaýdyń tetigin tapqan. Osylaısha, ózderine jasandy jaǵdaı jasap otyr. Ókinishke qaraı, bul ádetke, ómir saltyna aınalyp barady», - dedi Marat Ahmetjanov OKQ-de ótken baspasóz máslıhatynda
Onyń aıtýynsha, 2015 jyly elimizde tirkelgen qylmystyń 10%-y sybaılas jemqorlyqqa qatysty bolsa, bıyl bul kórsetkish qylmystyń úshten bir bóligin quraıdy.
«Adamdar sheneýnikterge para berýge sanaly túrde barady. Kóbinese ártúrli ruqsattardy, memlekettik qyzmetterdi, memlekettik satyp alý boıynsha jeńiste jetý jáne basqalardy qyzmet alý úshin osy qadamǵa barady. Sondyqtan da sybaılas jemqorlyqqa qarsy shara men júıeni jańalaý talap etiledi. Qazir qoldanystaǵy zań jemqorlyqpen kúresýge emes, onyń aldyn alýǵa baǵyttalǵan. Sol sııaqty biz alaıaqtardy aýlaý ǵana emes, memlekettik basqarý júıesin de jetildirýimiz kerek. Sondyqtan biz zardaptarmen kúresten sybaılas jemqorlyq táýekelderin joıýǵa jáne qylmystyq shemalardy ashýǵa kóshemiz», - deıdi ol.
Buǵan deıin agenttik basshysy bıyl elimizde bir vıtse-mınıstr, 13 ákim jáne 4 sýdıa jemqorlyq kúdigimen ustalǵanyn aıtty. https://kaz.inform.kz/news/biyl-bir-vice-ministr-13-akim-zhane-4-sud-ya-zhemkorlyk-kudigimen-ustaldy_a3872318
