Sheneýnikter ne úshin meshitke aıaq kıimin «sheshpeı» kiredi
«Meshitke eshqandaı «sheneýnik» elimiz táýelsizdik alǵan jyldardan beri aıaqkıimmen kirip aralaǵan emes. Ylaıym budan keıin de solaı bolady. Al, kópshiliktiń talqysyna túsip, daý týdyrǵan sýretke kelsek, ol - meshitke keletin resmı qonaqtarǵa arnalǵan súıretpe (tápishke). Shalbardyń balaǵynan shyǵyp turǵan tumsyǵy týflıge uqsaǵan súıretpe syrt kózge aıaq kıim bolyp kórinýi múmkin. Alaıda bul súıretpeler meshittiń ishki tártibi men ádebine, meshit dress-kodyna saı taza kıim bolyp sanalady. Osyǵan uqsaǵan súıretpelerdi meshit qyzmetkerleri de kıedi», - dep jazady ol.
Meshit - jer betinde qulshylyq jasaýǵa arnalǵan qasıetti oryn, Allanyń úıi. Sondyqtan, árbir musylman balasy qasıetti orynnyń qurmetin saqtaýy tıis. Meshitke kelýshiniń kıiminiń taza ári ádemi bolýy meshit ádebine jatady. Bul jaıynda Alla Taǵala Quran Kárimde: «Ýa, Adamnyń urpaqtary! Meshitke kelgende ásem kıinińder...», - dep buıyrǵan (Ál-Aǵraf súresi, 31-aıat). ıAǵnı, meshitke kelgende kıimińiz ásem, taza bolýy tıis. Kıimge qatysty eń basty shart - deneni jalańashtamaı kıim kııý jáne onyń taza bolýy. Al, daý týdyrǵan súıretpeler meshit ishinde qoldanýǵa ǵana arnalǵan taza kıim bolyp tabylady.
Sondaı-aq, sarapshy: «Qurmetti aǵaıyn, sizderden ótinerim: bir máseleniń baıybyna baryp, aq-qarasyn ajyratyp almaıynsha kóringenniń aıtqanyna kóńil bólmeseńizder eken. Mundaı eldi arandatýshy aqparatpen aldap otyrǵandar bar. Olar ózderin dinge janashyr, taqýa etip kórsetkenimen, teris pıǵyldy bolýy múmkin. Sharıǵat ilimderinde pátýa aıtýǵa bilimi de, quqy da joq kisilerdiń aıtqanymen júrý aqıqatty izdeýge jatpaıdy», - dep, jurtty alyp-qashpa áńgimege sene bermeýge shaqyrady.
