Sheneýnikke 6 myń teńgeniń syılyǵyn berse, 4,5 mln teńgege deıin aıyppul salynady
Qazaqstandyqtar zańsyz materıaldyq syıaqy bergeni úshin ákimshilik jaýapkershilikke tartylýy múmkin. Bul týraly Sybaılas jemqorlyqqa qarsy is-qımyl agenttigi Tóraǵasynyń birinshi orynbasary Oljas Bektenov Qazaqstan Respýblıkasynyń Ákimshilik quqyq buzýshylyqtar týraly Kodeksine engizilgen ózgertýlerdi baıandaý barysynda aıtty.
«Syıaqylar, syılyqtar nemese jeńildikter bergeni úshin jeke tulǵalar ÁQBtK–niń 676-baby boıynsha 200 AEK kóleminde aıyppul tóleıdi, bul shamamen 600 myń teńge», - dedi O.Bektenov.
Bul rette, eger mundaı syıaqy nemese syılyq zańdy tulǵa tarapynan beriletin bolsa, onda mundaı áreket ÁQBtK-niń 678-baby boıynsha saralanady jáne munda aıyppul 700 AEK-ke deıin ósedi, bul 2 mln.teńgeden astam.
Mundaı quqyq buzýshylyq bir jyl ishinde qaıtalap jasalǵan jaǵdaıda zańdy tulǵa eki ese – 1500 AEK nemese 4,5 mln.teńge tóleıdi.
«Qazir zańnamada syılyqtar berýge jáne alýǵa tolyq tyıym salynǵanyn taǵy bir márte eske salǵym keledi. Mundaı norma ótken jyldyń sońynda qoldanysqa engizildi», - dedi Oljas Bektenov.
Ol syılyq berýshilerge arnaǵan sózinde memlekettik qyzmetshilerge jáne olarǵa teńestirilgen tulǵalarǵa memlekettik jáne basqa da qyzmetter kórsetkeni úshin syı berý ádetinen bas tartýǵa shaqyrdy, óıtkeni mundaı áreket syılyq berýshilerge de, syılyq alǵan sheneýnikke de saldaryn tıgizýi múmkin.
Aıta keteıik, 20 naýryzda Memleket basshysy «Qazaqstan Respýblıkasynyń Ákimshilik quqyq buzýshylyqtar týraly Kodeksine ózgerister engizý týraly» Zańǵa qol qoıdy.
Zań sáýirdiń 5-inen bastap qoldanysqa engizildi.
Atalǵan Zań aıasynda ákimshilik sybaılas jemqorlyq quqyq buzýshylyqtar týraly hattamalar jasaý quzireti Sybaılas jemqorlyqqa qarsy qyzmetke bekitildi.