Sheneýnik jol jóndeýge bólingen 6 mln teńgeni jymqyrǵan
«Kent ákimi «Óńirlerdi damytý» memlekettik baǵdarlamasy boıynsha joldardy jóndeýge bólingen 6,6 mln teńge somasyndaǵy bıýdjet qarajatyn kásipkerdiń esep aıyrysý shotyna aýdarý arqyly jymqyrǵan degen kúdikke ilindi. Tergeý jumystary jalǵasýda», - dedi Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova Astanada ótken brıfıngte.
Sonymen birge, Pavlodar oblysy boıynsha TJD basqarma basshysynyń quqyqqa qaıshy áreketteriniń joly kesildi.
«Ulttyq bıýronyń Pavlodar oblysy boıynsha departamenti oblystyq TJ departamentiniń basqarma basshysyna qatysty sotqa deıingi tergeýdi bastady. Ol órt qaýipsizdigindegi buzýshylyqtardy joıý týraly uıǵarymdy májbúrli oryndaý týraly materıaldy sotqa joldamaǵany úshin JShS ókilinen 500 myń teńge para alǵanyn moıyndady», - dedi Janna Bastarova.
Kinásin tolyq moıyndaýyna baılanysty kúdiktilerge qatysty protsessýaldyq qamaý sharasy qoldanylmaǵan.