Sheneýnik pen kásipkerdi kezdestirý úshin 200 myń dollar alǵan tarazdyq ustaldy

TARAZ. QazAqparat - Sybaılas jemqorlyqqa qarsy qyzmet bıznesti qorǵaý aıasynda Taraz qalasynyń turǵynyn alaıaqtyq jáne para berýge ıtermeleý kúdigi boıynsha ustady, dep habarlaıdy QazAqparat.

Ol memlekettik organmen máseleni sheshý syltaýymen sheteldik kompanııanyń ókilin jańylystyryp, joǵary laýazymdy tulǵalarmen kezdesýdi uıymdastyrýǵa kómekteskeni úshin 200 000 AQSh dollary kóleminde aqsha qarajatyn ıemdengen.

Sonymen qatar, kúdikti kelisimshartqa qol qoıylǵan jaǵdaıda kelisim somasynyń úsh paıyzy mólsherinde aqsha talap etken.

Sondaı-aq, Sybaılas jemqorlyqqa qarsy qyzmet alaıaqtyq jasady degen kúdikpen Almaty qalasynyń turǵynyn ustady. Ol Qorǵanys mınıstrliginiń vedomstvolyq baǵynysty uıymyna jumysqa ornalasý máselesin sheshýdi syltaýratyp, is júzinde nıeti joq bola tura 100 000 AQSh dollaryn talap etken.

Aqshany alǵannan keıin atalǵan kúdiktiler ustalyp, sottyń sanktsııasymen qamaýǵa alyndy.

QR QPK 201-babyna sáıkes tergeý múddesi úshin ózge aqparat jarııa etýge jatpaıdy.