«Shenchjoý-20» taıkonavttary ǵaryshta 200 kúnnen astam ýaqyt ótkizdi

ASTANA. KAZINFORM – Mamandar orbıtada 200 kúnnen astam ýaqyt ótkizgen qytaılyq «Shenchjoý-20» basqarylatyn ǵarysh kemesiniń ekıpaj múshelerin qaıtarýdyń jańa josparyn quryp jatyr, dep habarlaıdy thepaper.cn basylymy. 

Qytaı ǵarysh stantsııasy shtattyq rejımde jumys istep tur jáne bir ýaqytta eki ekıpajdy qoldaý múmkindigine ıe. «Shenchjoý-20» taıkonavttary jańa «Shenchjoý-21» mıssııasynyń múshelerimen birge orbıtada ǵylymı tájirıbelerdi iske asyryp, jumys ónimdiligin arttyrǵan. 

Qytaıdyń basqarylatyn ǵarysh baǵdarlamalary agenttigi oralýǵa daıyndyq kestege sáıkes júrip jatqanyn atap ótti. 

– Injenerlik toptar jan-jaqty taldaý men modeldeý jumystaryn júrgizip, ǵarysh kemesiniń qaýipsizdigin synaqtan ótkizip, baǵalap, ekıpajdyń jańartylǵan oralý josparyn ázirlep jatyr. Negizgi komponentterdiń jaǵdaıy tekserilip, olardyń sapasy rastaldy, - delingen ǵarysh vedomstvosynyń málimdemesinde.

Eske sala ketsek, ekıpajdyń oralýy 5 qarashaǵa josparlanǵan bolatyn. Ǵarysh qoqysy orbıtaǵa túskennen keıin oralý keıinge qaldyryldy. Stantsııa úsh adamdy ornalastyrýǵa arnalǵan, biraq mıssııa aýysýlary kezinde alty ekıpaj múshesine deıin ýaqytsha ornalastyra alady. 

Buǵan deıin Qytaı zaqymdalǵan ǵarysh kemesiniń ekıpajyn Jerge qaıtarýǵa daıyndalyp jatqanyn jazǵan edik.