«Shenchjoý-18» mıssııasynyń taıkonavtary Jerge oraldy

ASTANA. KAZINFORM – Dúısenbi kúni tańerteń «Shenchjoý-18» basqarylatyn ǵarysh kemesiniń qaıtarylmaly kapsýlasy Qytaıdyń soltústigindegi Dýnfen alańyna qondy, dep habarlaıdy Kazinform menshikti tilshisi. 

Mıssııaǵa qatysqan úsh taıkonavt kapsýladan shyǵyp ketti. Bul týraly QHR basqarylatyn ǵaryshtyq baǵdarlamasynyń basqarmasy habarlady. 

Orbıtada alty aı boıy bolǵan «Shenchjoý-18» mıssııasynyń ekıpajy 4 qarashada aınalymnan keıin Jerge oraldy.

Basqarma aqparatynsha, «barlyq ǵaryshkerlerdiń fızıkalyq jaǵdaıy jaqsy, olardyń mıssııasy tolyǵymen sátti boldy». 

Eske sala ketsek, 30 qazanda Qytaı Tszıýtsıýan ǵarysh aılaǵynan «Shenchjoý-19» basqarylatyn ǵarysh kemesin ushyrdy. Quramynda úsh taıkonavt bar «Shenchjoý-19» kemesi stantsııada 2025 jyldyń sáýir aıynyń aıaǵy nemese mamyr aıynyń basyna deıin bolady.