Shemonaıhada kópbalaly otbasylarǵa arnalǵan 60 páterlik úıdiń qurylysy bastaldy
Bul týraly aýdan ákimi Grıgorıı Akýlov ShQO Aımaqtyq kommýnıkatsııalar qyzmetinde ótken baspasóz máslıhatynda aıtty.
«Aýdanda memlekettik qordan turǵyn úı bólý kezeginde 35 kópbalaly otbasy tur. Onyń 19-y Shemonaıha qalasynda, 5 otbasy Pervomaıskıı kentinde, Ýst-Talovka, Oktıabrskoe jáne Rýlıha aýyldarynda eki otbasydan bolsa, Joǵary Úbi, Sýgatovka, Zevakıno, Vydrıha, Berezovka aýyldarynda bir januıadan. Shemonaıhada qalasyndaǵy alty otbasyǵa jekeshelendirý quqyǵynsyz turǵyn úı berildi. Osy jyldyń tamyz aıynda turǵyn úıleri apattyq jaǵdaıda dep tanylǵan jáne kezekte turǵan kópbalaly otbasylar úshin Verh-Ýba aýylynda 2 jeke turǵyn úı satyp alyndy. Ekinshi jartyjyldyqtyń basynan bastap eki páterlik alty jeke turǵyn úıdiń qurylysy bastaldy. Olardy jeltoqsan aıynda tapsyrýdy josparlap otyrmyz», - dedi ol.
Sondaı-aq byltyrǵy maýsym aıynda Shemonaıhada «Nurly jer» baǵdarlamasy aıasynda halyqtyń áleýmettik osal toptary men kópbalaly otbasylar úshin satyp alý quqyǵynsyz jalǵa beriletin 60 páterlik turǵyn úıdiń qurylysy bastalǵan.
