Shell jáne BP Qazaqstandaǵy jumysyn jalǵastyrýǵa múddeli – SІM

ASTANA. KAZINFORM – Brıtandyq Shell jáne BP munaı-gaz kompanııalary Qazaqstanda jumysyn jalǵastyrady, ıaǵnı olar yntymaqtastyqty damytýǵa múddeli. Bul týraly Senatta Syrtqy ister mınıstriniń orynbasary Arman Isetov aıtty.

Senattyń jalpy otyrysynda depýtat Evgenıı Bolgert Ulybrıtanııa Qazaqstan ekonomıkasynda iri ınvestorlardyń biri retinde tanylǵanyn aıtty. Elder energetıka salasyndaǵy, «jasyl» energetıka baǵytynda, sondaı-aq tsıfrlandyrý men jasandy ıntellekt salasyndaǵy yntymaqtastyqty únemi talqylap keledi.

— Qazaqstan Syrtqy ister mınıstrliginiń baǵalaýy boıynsha munaı sektoryndaǵy Shell, BP sııaqty transulttyq kompanııalarmen yntymaqtastyqty tereńdetý perspektıvasy qandaı?, - dep surady senator.

Óz kezeginde Arman Isetov Shell kompanııasynyń Qazaqstan naryǵynan shyǵýy múmkin ekendigi týraly aqparat rastalmaǵanyn aıtty.

— Sonymen qatar, naýryz aıynda Energetıka mınıstrligi men Shell kompanııasy Aqtóbe oblysynda geologııalyq barlaý jumystaryn júrgizýge jańa kelisimshartty bekitkeni týraly aqparat boldy. Bul kelisimshart 2032 jylǵa deıin arnalǵan. Munyń bári Shell kompanııasynyń Qazaqstandaǵy jumysyn jalǵastyrýǵa múddeli ekenin kórsetedi, - dedi mınıstrdiń orynbasary.

Onyń sózine qaraǵanda, BP kompanııasy da Qazaqstanda óz qyzmetin jandandyryp jatyr.

— Jaqynda ǵana «QazMunaıGaz» kompanııasy men BP Mańǵystaý oblysyndaǵy ýchaskede geologııalyq barlaý jumystaryn júrgizý boıynsha kelisimge otyrǵany týraly aqparat shyqty. Bul trette VR Qazaqstanda jumysyn qaıta jandandyrýda, - dedi Arman Isetov.

Aıta keteıik, jaqynda Qazaqstandaǵy Shell kontserniniń tóraǵasy Sıýzann Kýgan munaı-gaz salasyndaǵy yntymaqtastyqqa qatysty pikir aıtty.