Shell onjyldyqtaǵy eń iri gaz ken ornyn ashty
ASTANA. QazAqparat – Ulybrıtanııada ornalasqan Deltic Energy kompanııasy Soltústik teńizdiń ońtústik bóliginde Shell munaı-gaz alyby ázirlep jatqan Pensacola ýchaskesinde gaz jáne munaı ken ornynyń ashylǵany týraly habarlady, dep habarlaıdy QazAqparat Energy Voice-ke silteme jasap.
Delta Energy kompanııasynyń jedel habarlamasynda Pensakoladaǵy olja sońǵy on jyldaǵy Soltústik teńizdiń ońtústigindegi eń iri gaz ken oryndarynyń biri bolýy múmkin delingen.
Byltyr qarashada Maersk Resilient ózdiginen kóteretin qondyrǵymen burǵylanǵan 41/05a-2 uńǵymasynyń tereńdigi 1965 metrdi qurady. Shell Zechstein Haupt Dolomite qurylymynda jyljymaly gaz ben munaıdyń bolýyn rastady.
Westwood Global Energy Group málimetteri boıynsha, Deltic habarlaǵan kólemderge súıene otyryp (302 mıllıard tekshe fýt gaz shyǵarylady dep kútilýde), bul 2011 jyly Harbor Energy kompanııasy Tolmount ken ornyn 300 mıllıard tekshe fýt ashqannan keıingi 10 jyldan astam ýaqyttaǵy eń iri ken orny.
P2252 ýchaskesin ázirleýge arnalǵan lıtsenzııa Shell korporatsııasyna (65%), Deltic (30%) jáne ONE-Dual (5%) seriktesine tıesili.
Haupt Dolomite kollektorynyń joǵarǵy qabatyn 1745 metr tereńdikte ashyp, kollektordyń qalyńdyǵyn 18,8 metrde uńǵyma rastady, bul ortasha eseppen 16% quraıdy.
Deltic bas dırektory Grem Svındellstiń aıtýynsha, atalǵan jańalyq kompanııa damýyndaǵy mańyzdy kezeń boldy.
«Biz Selene uńǵymasyn burǵylaýǵa daıyndyqty jalǵastyramyz jáne seriktesterimizben berlesip jumys isteýdi asyǵa kútemiz. Sonymen qatar naryqtaǵy maqsattarymyz týraly habarlaýdy josparlap otyrmyz», - dedi Grem Svındells.
Shell kompanııasy resmı ókiliniń aıtýynsha, korporatsııa Soltústik teńizdiń ońtústigindegi Pensakola ýchaskesinde barlaý, burǵylaý jáne uńǵymalaý synaǵy gazdyń bar ekenin kórsetti.
«Qazirgi sátte biz kez-kelgen damý múmkindigin baǵalaımyz», - deıdi kompanııa ókili.
Deltic aktsııalarynyń baǵasy kóterilip, osy materıaldy jazý kezinde shamamen 3,2 pens deńgeıinde saýdalandy.
Deltic úshin uńǵymany burǵylaýdyń taza quny 11,1 mıllıon fýnt sterlıngti quraıdy dep kútilýde. Bul burǵylaýdan keıin eksplýatatsııaǵa berý talaptary, aýa-raıy, qosymsha synaq shyǵyndary jáne ınflıatsııa men valıýta baǵamynyń aýytqýyn qosa alǵandaǵy naryq áserine baılanysty.
Foto: energyvoice.com
