Shell men TotalEnergies Qatar gazyn jetkizý boıynsha fors-major jarııalady
ASTANA. KAZINFORM — Álemdegi iri energetıkalyq kompanııalar — Shell jáne TotalEnergies óz klıentterine gaz jetkizý boıynsha fors-major jaǵdaıynyń týyndaǵanyn habarlady. Bul týraly Kazinform agenttiginiń menshikti tilshisi málimdedi.
Katardyń memlekettik munaı-gaz kompanııasy — QatarEnergy-den suıytylǵan tabıǵı gaz (SPG) satyp alatyn birqatar kompanııalar óz klıentterine kelisimsharttar boıynsha fors-major jarııalanǵanyn habarlaǵan.
Reuters agenttiginiń derekkózderine súıensek, mundaı sheshimdi Shell men TotalEnergies-ten bólek keıbir azııalyq kompanııalar da qabyldaǵan.
Sarapshylardyń málimetinshe, Shell kompanııasy QatarEnergy-den jylyna shamamen 6,8 mıllıon tonna, al TotalEnergies 5,2 mıllıon tonna suıytylǵan tabıǵı gaz satyp alady.
Buǵan deıin álemdegi eń iri gaz jetkizýshilerdiń biri — QatarEnergy kompanııasy drondardyń shabýyly saldarynan suıytylǵan tabıǵı gaz óndirisin ýaqytsha toqtatqanyn habarlaǵan bolatyn. Osy aıdyń basynda kompanııa gaz jetkizý boıynsha fors-major jarııalaǵan.
Reuters málimetinshe, gaz óndirisi men eksportyn tolyq qalpyna keltirý úshin QatarEnergy kompanııasyna keminde bir aı ýaqyt qajet.
Keıinirek óńirdegi jaǵdaıǵa baılanysty Bahreınniń memlekettik Bapco Energies kompanııasy da fors-major jarııalaǵanyn málimdedi.