Shell Arktıkada munaı óndirýge ruqsat aldy
ASTANA. QazAqparat - AQSh bıligi aǵylshyn-gollandııalyq Shell kompanııasyna Arktıkada burǵylaý jumystaryn júrgizýge ruqsatyn berdi, dep habarlady VVS.
Endi bıylǵy jazynda kompanııa Soltústik Muzdy muhıttaǵy burǵylaý jumystaryn bastaı alady.
Alaıda, Amerıkanyń ekologtary Aq úı sheshimine narazylyq tanytyp, munaı-gaz óndirýdiń Arktıkada orasan zor ekologııalyq zardaptar bolatynyn eskertti.
2012 jyldyń jazynda Shell kompanııasy Arktıka qaırańynda burǵylaý jumystaryn júrgizýge ruqsat alǵan bolatyn, biraq sol kezde burǵylaý qondyrǵylary turyp qalýyna baılanysty jumys júrgizilmegen. Bir jyldan keıin kompanııa jańa ruqsat alý úshin áýeli qaýipsizdik salasyndaǵy jumysty qamtamasyz etýge baǵyttalǵan barlyq problemany joıýdy qolǵa alǵan.
