Shelek aýrýhanasyndaǵy oqıǵa boıynsha qylmystyq is qozǵaldy
TALDYQORǴAN. QazAqparat - Almaty oblysynyń Shelek aýrýhanasynyń aýlasynda úsh adamnyń ólimimen aıaqtalǵan qaıǵyly oqıǵa boıynsha qylmystyq is qozǵalyp, tergeý bastalyp ketti. Qaıtys bolǵandardyń ekeýi - santehnık, úshinshisi - 34 jastaǵy dáriger-travmatolog bolatyn, dep habarlaıdy QazAqparat tilshisi.
«Qazir QR QK 156-babynyń 4-bóligi boıynsha is qozǵaldy. Marqumdardyń jerleý rásimine ákimdik atsalysady jáne olardyń jaqyndaryna materıaldyq kómek kórsetý jaǵy da qarastyrylyp jatyr», - dedi Almaty oblysy ákiminiń baspasóz hatshysy Ǵalymurat Júkel.
Esterińizge sala keteıik, Shelek aýrýhanasynyń aýlasynda 5 adam káriz qudyǵyna túsip, onyń úsheýi ýly gaz saldarynan qaıtys bolǵanyn habarlaǵan bolatynbyz. Káriz júıesin tazalap jatqan santehnık nájiske batyp, oǵan tórt adam kómekke umtylǵan edi. Ókinishke qaraı, 3 adam nájistiń ıisine ýlanyp qaıtys boldy.
