Shekteýi bar adamdardy úsh memleketiń shekarasynan ótkizýmen aınalysqan qylmystyq top ustaldy

ASTANA. QazAqparat – Ulttyq qaýipsizdik komıtetiniń Túrkistan oblysy boıynsha departamentiniń ókilderi úsh memlekettiń shekarasynan zańsyz adam ótkizýmen aınalysyp kelgen qylmystyq topty ustady, dep habarlaıdy QazAqparat komıtettiń baspasóz qyzmetine silteme jasap.

«2022 jylǵy 21 qazanda QR Ulttyq qaýipsizdik qyzmetiniń Shekara qyzmetiniń Túrkistan oblysy boıynsha departamenti prokýratýra organdarymen ózara is-qımyl jasaı otyryp, shekaradan ótýge shekteýi bar adamdardy Qazaqstan Respýblıkasy, Ózbekstan Respýblıkasy, Reseı Federatsııasynyń memlekettik shekarasy arqyly zańsyz kóshi-qon arnasyn uıymdastyrýmen aınalysqan transshekaralyq qylmystyq top áreketiniń jolyn kesti»,-delingen habarlamada.

Júrgizilgen jedel-izdestirý is-sharasynyń nátıjesi boıynsha qylmystyq toptyń belsendi qatysýshysy bolyp tabylatyn shetel azamaty zańǵa qaıshy qyzmeti úshin 700 000 (jeti júz myń) teńge somasyndaǵy aqshalaı qarajatty alý barysynda ustaldy.

Shetel azamatyna jáne qylmystyq toptyń basqa da múshelerine qatysty QR QK 394-baby 2-bóligi (Zańsyz kóshi-qondy uıymdastyrý) boıynsha qylmystyq is qozǵaldy.

Ustalǵan adam qamaýǵa alyndy.