Shekteý sharalary kúsheıtiledi: Balalardyń aýlada oınaýyna ruqsat berile me

NUR-SULTAN. QazAqparat - 5 shildeden bastap elimizde shekteý sharalary kúsheıtilgennen keıin balalardyń aýlada oınaýyna bola ma? Bul saýalǵa búgin Bul týraly QR Bas memlekettik sanıtar dárigeri Aıjan Esmaǵambetova jaýap berdi, dep habarlaıdy QazAqparat tilshisi.

«Qaýlyda balalardyń aýlaǵa shyǵýyna tyıym salý kózdelmegen. Degenmen, biz kámeletke tolmaǵan balalar kóshede, aýlada eresektermen birge ǵana júrýge, sonymen qatar kez kelgen baılanystan barynsha aýlaq bolýǵa keńes beremiz. ıAǵnı, bizdiń keńesimiz balalar aýlada oınaǵa kezde bir otbasynyń músheleri sheginde ǵana júrgeni durys. Ózge balalarmen baılanysta bolmaýǵa tyrysý qajet. Óıtkeni, aýrýdyń bireýden bireýge taralýy júrip jatyr», - dedi Bas sanıtar dáriger Ortalyq kommýnıkatsııalar qyzmetindegi brıfıng barysynda BAQ ókilderiniń saýalyna oraı.

Sonymen qatar ol karantınniń barlyq sharalary vırýstyń adamnan adamǵa taralýynyń aldyn alýǵa tizbekti úzýge baǵyttalyp otyrǵandyǵyn basa aıtty.