Shekteý sharalary aýrý juqtyrý tizbegin úzedi dep úmittenemiz - Kamaljan Nadyrov
ALMATY. QazAqparat – Almatyda ótken onlaın brıfıng barysynda qalalyq Qoǵamdyq densaýlyq basqarmasynyń basshysy Kamaljan Nadyrov demalys kúnderindegi karantın patsıentter aǵynyn azaıtatynyna úmitti ekenin aıtty, dep habarlaıdy QazAqparat tilshisi.
«Búginde qaladaǵy epıdemıologııalyq ahýaldy baqylaýda ustap otyrmyz. Qalada bos oryndar bar. Alaıda aýrýhanalarǵa túsip jatqan aýrýlar óte kóp. Osyǵan baılanysty demalys kúnderine jarııalanǵan karantın sharalary patsıentter aǵynyn azaıtaryna senimdimiz. Turǵyndarǵa jaýapkershilikpen qarap, mamandardyń aıtqan talaptaryn oryndaýǵa shaqyramyz», - dedi basqarma basshysy Kamaljan Nadyrov.
Aıta ketý kerek, búgin QR Premer-Mınıstri Asqar Mamınniń tóraǵalyǵymen QR aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń (VAK) selektorlyq otyrysy ótkenin jazǵan edik. Onda QR Prezıdenti Qasym-Jomart Toqaevtyń tapsyrmasyna sáıkes Qazaqstandaǵy epıdemıologııalyq jaǵdaıdy turaqtandyrý boıynsha qosymsha sharalar qaraldy.
Osyǵan baılanysty qala ákimi karantın sharalary týraly málimdeme jasaǵan edi.
