Shekteý men reıd nátıjesiz: Prezıdent synyna elordanyń bas sanıtarlyq dárigeri jaýap berdi
Memleket basshysy elimizdegi koronavırýs indetine baılanysty epıdemıologııalyq ahýal jónindegi keńeste shekteý sharalary men reıdter kútken nátıjege jetkizip otyrmaǵanyn aıtqan bolatyn. Osy máselege qatysty pikir bildirgen Sarhat Beısenova munyń barlyǵy halyqtyń shekteý is-sharalaryn qalaı saqtaıtyndyǵyna jáne kásipkerlerdiń jaýapkershiligine baılanysty ekendigin aıtady.
«ıAǵnı, biz usynǵan naqty rejımder saqtalǵan jaǵdaıda epıdemıologııalyq jaǵdaıdyń belgili bir deńgeıde jaqsara túskenin barlyq ýaqytta baıqaımyz. Biraq, oǵan ýaqyt kerek ekeni sózsiz. Eki aptalyq ınkýbatsııalyq kezeńdi qadaǵalap otyramyz. Eger buzýshylyqtar oryn alǵanyn baıqasaq, onda munan úlken nátıje kóre almaımyz. Degenmen, belgili bir nysanda uzaq ýaqyt shekteý is-sharalaryn qabyldaıtyn bolsaq, sol kezde baılanysta bolǵan adamdar arasyndaǵy naýqastanýdyń tómendegenin kóremiz»,- dedi bas sanıtarlyq dáriger.
Al Nur-Sultan qalalyq polıtsııa departamenti Jergilikti polıtsııa qyzmetiniń basshysy Arman Aıtmaǵambetov kásipkerlik sýbektilerin tekserý irikteý arqyly júrgizilmeıtindigin aıtady.
«Qala turǵyndarynan 102 arnasy, áleýmettik jeliler, messendjer chattary arqyly belgili bir kóńil kóterý ornynyń karantın rejımin buzǵany týraly habarlama túsedi. Soǵan oraı áreket etip, karantın rejıminiń buzylýyn tekseremiz», - dedi Arman Aıtmaǵambetov.
