Shekteý qoıylǵan týrıstik aımaqtar problemasy 1-1,5 aıdyń ishinde sheshiledi
ASTANA. QazAqparat - Shekteý qoıylǵan týrıstik aımaqtar problemasy 1-1,5 aıdyń ishinde sheshiledi. Bul týraly búgin QR Investıtsııalar jáne damý mınıstrligi Týrızm ındýstrııasy departamenti dırektorynyń mindetin atqarýshy Tımýr Dúısenǵalıev málim etti.
Onyń atap ótýinshe, Qazaqstanda sheteldik týrıster úshin shekara mańy aımaqtaryndaǵy shekteý árýaqytta da bolǵan. ıAǵnı, túrli týrısttik baǵdarlamalar arqyly elimizge kelgen sheteldikter shekara mańy aımaqtaryna ótý úshin Іshki ister mınınstrligi, Shekara qyzmeti arqyly arnaıy ruqsat qaǵazyn alǵan.
«ıAǵnı, bul rejim baıaǵydan beri bar. Al búgingi kúni týyndap otyrǵan problema shekara mańy aımaqtarynyń keńeıýinen týyndady. Ótken jylǵy Úkimettiń «Shekaralyq karantındik aımaq týraly» qaýlysyna sáıkes, Reseımen, Ortalyq Azııanyń kórshi elderimen shekara mańy aımaqtary 25 shaqyrymǵa keńeıtildi. Al Qytaıǵa baılanysty jaıt sál qıyndaý. Ol jaqta býferlik aımaq retinde terrıtorııalyq ákimshilik birlik alynǵan», - dedi ol.
Onyń atap ótýinshe, atalǵan rejim aımaqtaryna kirýge nıet etken sheteldik týrıster jeti kún buryn Іshki ister mınıstrligine ótinish berip, arnaıy ruqsat alýy tıis.
«Іs júzinde bul sheshiletin másele, tyǵyryqqa tirelý emes. Degenmen, bul yńǵaısyzdyq týyndatady», - dedi T.Dúısenǵalıev.
Onyń sózine qaraǵanda, atalǵan másele týyndaǵan sátten bastap ony sheshý joldary qarastyrylyp, arnaıy qujat ázirlengen.
«Aǵymdaǵy jyldyń 15 maýsymynda ІІM, UQK, ákimdikter, Qazaqstan týrıster qaýymdastyǵy jáne barlyq qoǵamdyq uıymdardy qosa alǵanda qujat kelisildi. Qazirgi ýaqytta ol Premer-Mınıstr keńsesinde kelisilý úshin jatyr. Sheshilýi tıis qandaı da bir eskertýler, máseleler týyndaýy múmkin. Biraq, jaǵdaıdy túsine otyryp, biz 1-1,5 aıdyń ishinde bul másele sheshiledi dep otyrmyz. Qaýly atalǵan týrıstik aımaqtardyń arnaıy ruqsatsyz ádettegideı rejimde jumys isteýi úshin qajetti túrde shyǵady»,- dedi ol.
