Shekteý bolmaǵandyqtan astanalyqtar óz úılerine 100-ge tarta adamdy tirkeıdi
ASTANA. QazAqparat - Іshki kóshi-qondy retteýdiń shekteý normalary bolmaǵandyqtan úı ıeleri ózderiniń turǵynjaılaryna júzdegen adamdy tirkeıdi. Bul týraly Astanada halyqtyń kóshi-qony boıynsha qoǵamdyq tyńdaý kezinde belgili boldy, dep habarlady astana.gov.kz.
«Іshki kóshi-qondy retteýdiń shekteý normalary joq, bul úı ıelerine ózderiniń turǵynjaılaryna júzdegen QR azamatyn jáne sheteldikterdi tirkeýge múmkindik beredi», - delingen habarlamada. .
Talqylaý qorytyndysy boıynsha usynystar jasaldy. Depýtattar bul máseleni qalalyq máslıhattyń zańdylyq, quqyqtyq tártip jáne qoǵammen jumys máseleleri jónindegi turaqty komıssııasynyń otyrysynda egjeı-tegjeıli qaraýdy usyndy.
Elordada sheteldikterdiń kelýi, olardyń zańnama talaptaryn saqtaýy baqylaýǵa alyndy. Zańsyz kóshi-qonǵa qarsy áreket etý boıynsha ótkizilgen respýblıkalyq arnaıy is-shara aıasynda jáne shetel azamattarynyń kóshi-qon zańnamasyn saqtaýyn baqylaýdy qamtamasyz etý maqsatynda "Kóshi-qon-2014" jedel aldyn alý is-sharasy ótkizildi. Nátıjesinde 1599 ákimshilik quqyq buzýshylyq tirkeldi, 1492 shetel azamaty ákimshilik jaýapkershilikke tartyldy, ákimshilik sot sheshimimen 92 azamat memleketten alastatyldy.
Sondaı-aq, zańdy tulǵalar men jeke kásipkerlerdiń eńbek etý úshin elordaǵa sheteldik jumys kúshin tartý jáne paıdalaný boıynsha zańnama talaptaryn saqtaýyn baqylaý júzege asyrylady. Іshki kóshi-qon aǵynyn ońtaılandyrý boıynsha is-sharalar júrgizilýde.
