Shekspırdiń otanynda Dýlat Isabekov festıvali ótip jatyr
ASTANA. QazAqparat - Qazan aıynyń 1-8 aralyǵynda Londonda 75 jasqa tolýyna oraı jazýshy, dramatýrg Dýlat Isabekov festıvali ótip jatyr. Bul týraly aktrısa Saltanat Baqaeva óziniń Instagram paraqshasynda habarlady.
«London qalasyna kelýimizdiń basty sebebi - Dýlat aǵa Isabekovtyń 75 jyldyq mereıtoıy. Osyǵan oraı, London qalasynda Dýlat Isabekov festıval ótip jatyr. Biz «Jaý Júrek» qoıylymymen sol festıvaldy ashtyq. Jańa ǵana aty álemge áıgili BıgBen saǵaty ornalasqan Parlament ǵımaratynda Dýlat aǵanyń 75 jyldyǵyna arnaıy jaıylǵan dastarxannan dám tattyq. Bunyń barlyǵyn uıymdastyrǵan Lord palatasy!», - dep jazady aktrısa ári ánshi Saltanat Baqaeva Instagram paraqshasynda.
London qalasyna kelýimizdiń basty sebebi ol Dýlat aǵa Isabekovtyń 75 jyldyq mereı toıy.Osyǵan oraı London qalasynda Dýlat Isabekov atyndaǵy fesıval ótip jatyr.Biz "Jaý Júrek" qoıylymymen sol festıvaldy ashtyq😊☝🏼Jańa ǵana aty álemge áıgili #BıgBen saǵaty ornalasqan Parlament ǵımaratynda Dýlat aǵanyń 75 jyldyǵyna arnaıy jaıylǵan dastarxannan dám tattyq!Bunyń barlyǵyn uıymdastyrǵan Lord palatasy😊!Úsh uıqtasam túsimde kórmegen,oılamaǵan nárseler ómirińde bolady eken....#BıgBen saǵaty ornalasqan ǵımaratta Lordtarmen,korolevaǵa jaqyn júrgen adamdarmen dastarxandas bolamyn dep esh oılamaǵan edim....#allaǵaalǵysymsheksiz🙏🏻 #erekshekún
Sondaı-aq Dýlat Isabekovtyń buryn da úsh kitaby aǵylshyn tilinde jaryq kórgen. Festıval aıasynda 4 qazan kúni jazýshynyń «Aqqý jibek» pesasy London tórinde qoıylmaq.Budan buryn Túrkııadaǵy professor Ábdiýaqap Qara áleýmettik jelidegi paraqshasynda Dýlat Isabekovtyń 75 jasyn atap ótý Qazaqstannan buryn Uly Brıtanııa elinde bastalyp ketkenin jazǵan bolatyn.
«Qýanyshty habar! Aǵamyzdyń úsh kitaby buryndary Londonda aǵylshyn tilinde jaryq kórgen bolsa, endi onyń 75 jyldyǵyna oraı Londonda festıvali ótpek eken. Sonymen jazýshynyń 75 jasyn ataý Qazaqstannan buryn Uly Brıtanııa elinde bastalyp ketken» - dedi jazýshy.
