Shekspırdiń beımálim sýretteri tabyldy
ASTANA. QazAqparat - Germanııalyq zertteýshi Ýılıam Shekspırdiń buǵan deıin beımálim bolǵan eki sýretin tapty. Kartınanyń birinde dramatýrgtiń bala kúni, endi birinde eseıgen kezi beınelengen, dep habarlaıdy ITAR-TASS.
Shekspırdiń shyǵarmashylyǵyn zerttep júrgen nemis ǵalymy Hıldegard Hammershmıdt-Hýmmel «tabylǵan portretter kópshilik nazaryna tek 12 aqpanda usynylady» dep otyr. Oǵan deıin kartınaǵa qatysty málimetter qupııa bolmaq.
Ázirge jazýshynyń jas jáne esegeıgen kezindegi eki sýrettiń tanystyrylymy Maınts qalasyndaǵy sobordyń murajaıda ótetini belgili. Murajaı qyzmetkerleri tabylǵan kartınalardy tekserip, onyń shynymen de «Romeo men Djýletta» tragedııasynyń avtoryna tıesili ekenin rastady.
Maınts ýnıversıtetiniń professory Hıldegard Hammershmıdt-Hýmmel Shekspır týraly birneshe kitap pen ǵylymı eńbekterdiń avtory. Ol dramatýrgtyń shyǵarmashylyǵyn zertteýdi 1972 jyly bastaǵan eken.
