Shekspırdiń bas súıegi joǵalyp ketti
ASTANA. QazAqparat - Brıtandyq arhelogtar Ýılıam Shekspır jatqan qabirdi elektromagnıttik radardyń kómegimen skanerden ótkizip, kútpegen jaıtty anyqtady: beıitte jatqan máıittiń bas súıegi bolmaı shyqty.
Staffordshırskıı ýnıversıtetiniń arheologııalyq tobynyń jetekshisi Kevın Kolzdyń aıtýynsha, Shekspırdiń bas súıegin bireýler urlap ketken. Sondaı-aq Kolz bas súıekti urlap ketken adamdar Shekspırdiń danyshpandyǵynyń sebebin zerttep bilý úshin alǵan dep esepteıdi. Ǵalymnyń sózine qaraǵanda, bas súıek burynnan, 1794 jyldardan beri joq. Bul týraly málimetti alǵash ret 1879 jyly Argosy jýrnalynyń avtorlary jarııalaǵan bolatyn, alaıda keıinnen ony joqqa shyǵarady.
Sonymen birge mamandar zertteý barysynda Shekspırdi tabytqa salmaǵanyn anyqtady, áıgil dramatýrgty kebinge orap jer qoınyna tapsyrǵan eken, dep jazady sheteldik BAQ.
