«Shekildeýik shaqtyń ba, boıǵa syrqat taptyń ba?» - respýblıkalyq basylymdarǵa sholý
***
Burynyraqta jekelegen fırmalar, kásiporyndar men kompanııalardyń bankrotqa túskendigin estip jatatynbyz. Al endi búkil bir eldiń, jeke memlekettiń osyndaı jaǵdaıǵa urynýy da ábden múmkin ekendigi 2008 jyly Amerıkada bastalyp ketken úlken daǵdarys kezinde anyq baıqaldy. Qazirgi eýroaımaqtyń tizesin dirildetip turǵan daǵdarys aldyndaǵy jaǵdaı osyndaı tuńǵıyqqa birinshi bolyp osy óńirdegi Grekııanyń batýy múmkin ekendigi týraly boljam jasaýǵa berik negiz qalap otyr. Eger Grekııa Eýroodaqtyń, Eýropalyq ortalyq bank pen Halyqaralyq valıýta qorynyń qoıǵan qatal talaptaryna moıynsunbaıtyn bolsa, onda oǵan 130 mıllıard eýrony quraıtyn qaryz berýden bas tartylady. Mundaı jaǵdaıda aldymyzdaǵy naýryz aıynyń 20-sy kúni Grekııa ózin álemdik qaýymdastyq aldynda defolt dep jarııalaýy tıis. Grekııa nelikten naýryzdyń 20-sy kúni ózin álemdik qaýymdastyq aldynda defolt dep jarııalaýy tıis ekendigin bilgińiz kelse, «Egemen Qazaqstan» gazetindegi «Grekııa tuńǵıyǵy» degen taqyryptaǵy maqalany oqyńyz.
«Egemen Qazaqstan» gazetiniń jazýynsha, ótken jyly Pavlodar oblystyq máslıhatynyń burynǵy tekserý komıssııasy taratylyp, oblystyq tekserý komıssııasy atty jańa departament quryldy. Departament quryla salysymen jumystaryn kabınetterine qymbat jıhazdar men kilemder tasýdan bastapty. Bul jaıynda «Jumysty jıhaz» aýystyrýdan bastady» degen taqyryptaǵy maqalada keńinen baıandalǵan «Jumys ornymyz bir qabatta ornalasqandyqtan, tańyrqaı qarap júrdik. Jańa páter alyp tósek-oryn, tońazytqysh, teledıdar, shkaf, kilem sııaqty dúnıeler kerek bolǵandaı kórinis. Al, «Prezıdent» dep atalatyn ústelder, oryndyqtar, shkaftar, kıim ilgish, telefon qoıǵysh, teledıdar týmbasy deısiz be, bálenbaı túrli jarqyraǵan jıhazdar jıyntyǵyn oblys ortalyǵyndaǵy «Nıka Invest Injırıng» seriktestigi jasap shyǵarypty. Bir oryndyǵynyń ózi 20-30 myń teńge turatyn kórinedi. Qabyldaý bólmesinde sońǵy úlgidegi kompıýterlik jabdyqtar, tıpografııada gazet basyp shyǵaratyn qural-jabdyqtar sııaqty birinen biri ótedi», - dep jazady basylym.
***
«Elge kórshilerden kelip jatqan azyq-túlik ónimderi qaýip tóndirip tur. Máselen, qarapaıym «Semkı» shekildeýigi quramynan qalaıy tabylsa, «Poteha» atty týysynan kadmııdiń kádimgideı kóp mólsheri anyqtaldy», - dep jazady «Aıqyn» gazeti «Shekildeýik shaqtyń ba, boıǵa syrqat taptyń ba?» atty maqalasynda. Basylymnyń atap ótýinshe, densaýlyqqa zııan keltiretin bul tektes ónimderdi sanıtarlyq epıdemııalyq baqylaý mamandary dereý dúken sóresinen alastatyp úlgerdi. Degenmen, taýar tutynǵanda, saqtyq kerek-aq.
Qoǵam tili boıynsha ekige jarylýy múmkin. Til janashyrlary burynnan aıtqan bul qaýip shyndyqqa aınalyp jatqandaı. Qos shatyrly Parlamenttegi depýtattardyń durys aýdarylmaýy kesirinen bir zańnyń jobasyn qazaq jine orys tilderinde ártúrli túsinetindigi keshe ashyq aıtyldy. Óıtkeni zań orys tilinde jazylady, al ony memlekettik tilge tárjimalaýǵa shekteýli ýaqyt bólinetindiginen, bir zań babynyń eki tilde ártúrli maǵynaǵa ıe bolýy jıi kezdese bastaǵan. Ony Ádilet mınıstrliginiń keshegi alqa otyrysynda senator Serik Aqylbaı óz málimdemesin naqty mysalmen órnektepti. Bul jaıynda «Aıqyn» gazetiniń búgingi sanyndaǵy «El qaıda? Eki tildi zańnan ne paıda?» degen taqyryptaǵy maqaladan egjeı-tegjeıli bile alasyzdar.
***
«Memleket basshysy Nursultan Nazarbaev Qazaqstan Respýblıkasynyń Syrtqy ister mınıstri Erjan Qazyhanovty qabyldady», - dep jazady «Kazahstanskaıa pravda» gazeti. Basylymnyń atap ótýinshe, E.Qazyhanov Memleket basshysyn mınıstrliktiń aǵymdaǵy qyzmeti týraly jáne vedomstvo aldyna qoıylǵan mindetterdi iske asyrý barysy jaıly habardar etti. Sondaı-aq Syrtqy ister mınıstri Prezıdentke Belgııa men AQSh-qa saparynyń qorytyndylary týraly baıandady. Óz kezeginde Memleket basshysy taıaý keleshektegi syrtqy saıası basymdyqtar jóninde birqatar naqty tapsyrma berdi.
