Shekarashylarǵa tas laqtyrǵan kontrabandashylar oqıǵa ornynan iz sýytpaq bolǵan
ASTANA. QazAqparat - Taraz shekara bóliminiń «Sypataı batyr» shekara beketiniń qyzmetkerleri halyq tutynatyn taýarlardy Qyrǵyzstannan Qazaqstanǵa ótkizip jatqan alty azamatty quryqtady. Bul týraly QR UQK ShQ baspasóz qyzmetinen habarlaıdy.
Kontrabandashylar toby «Folksvagen Passat» kóligimen 1,5 tsentnerge jýyq júkti zańsyz alyp ótpek bolǵan. Olar shekarashylarǵa tas laqtyryp, oqıǵa ornynan iz sýytýǵa tyrysqan. Shekarashylar eskertý retinde aspanǵa oq atqan. Ustalǵan eki tulǵa Qazaqstannyń azamattary bolyp shyqty. Qalǵan zań buzýshylar kórshi eldiń aýmaǵyna qashyp úlgerdi.
Júgi bar kólik shekara beketine jetkizildi. QR ÁQBK 391-1 babyna sáıkes zańbuzýshylyq oryn aldy degen aldyn ala tujyrym jasaldy.
Osy kúni Oral shekara otrıadynyń «Shaǵan avto» ótkizý pýnktiniń qyzmetkerleri 20 kelige jýyq bekire tuqymdas balyqtar tıelgen kóligimen 65 jastaǵy Qazaqstan azamatyn ustady. Ol «GAZ-33021» mashınasymen Qazaqstannan Reseı Federatsııasyna baǵyt alyp bara jatqan.
Bul týraly aqparat quqyq qorǵaý organdaryna jetkizildi. Tergeý amaldary júrgizilýde.
