Shekarashylardy aldap soqqysy kelgen Reseı azamatynyń qýlyǵy áshkere boldy
ASTANA. 17 qyrkúıek. QazAqparat - «Aýyl avto» shekaralyq baqylaý otrıadyna qarasty «Semeı» ótkizý beketiniń shekarashylary prokýratýra qyzmetkerlerimen birlese otyryp, iri kólemdegi benzındi tárkiledi.
Bul týraly QR UQK ShQ baspasóz qyzmetinen habarlady.
Sońǵy ýaqyttary keıbir azamattardyń mazýt atyn jamylyp benzın ótkizýge tyrysatyndyǵy jasyryn emes. Osy joly da kórshiles eldiń azamaty atalǵan ádisti qoldanyp kórmek boldy. Biraq 1978 jylǵy Reseı Federatsııasynyń Alekseı esimdi azamaty bul qýlyǵyn memlekettik shekara saqshylarynan asyra almady, tirkemesi bar «DAF» avtomobılindegi 40 tonnadan astam janarmaı áshkere boldy.
Qazirgi ýaqytta atalǵan derek boıynsha tergeý amaldary júrgizilýde.
