Shekarashylar jalǵan tólqujatpen júrgen Aýǵanstan azamattaryn ustady
ASTANA. QazAqparat - Qazaqstandyq shekarashylar zańsyz tólqujatpen júrgen otbasy múshelerin ustady. Ustalǵan úsheý Aýǵanstan azamattary bolyp shyqty, dep habarlaıdy QR UQQ-niń Shekara qyzmeti.
Otbasy músheleri Ýkraına arqyly Venaǵa jetpek bolǵan. «Almaty» ótkizý beketiniń narıady «Almaty-Kıev» reısin rásimdeý jumystary barysynda Ulybrıtanııa azamatynyń tólqujatymen júrgen Aýǵanstan azamatyn ustaǵan. Onyń qujatynyń qoldan jasalǵandyǵyn áshkereletin belgiler anyqtaldy.
Arnaıy júrgizilgen jan-jaqty tekserý barysynda úsh tólqujattyń jáne tekserýge berilgen balalardyń qujattarynyń ıelerine tıesili emes ekendigi jáne olardyń jalǵan ekendigin naqtylaıtyn belgiler anyqtaldy.
Osy másele jóninde tıisti organdarǵa habarlandy. Qujattar tárkilendi.
