Shekarashylar sýyq qarý men oq-dárini zańsyz alyp ótpek bolǵandardyń jolyn kesti

NUR-SULTAN. QazAqparat – QR Ulttyq qaýipsizdik komıtetiniń Shekara qyzmeti 2022 jyldyń basynan beri 170 birlikten astam oq-dárini shekaradan zańsyz ótkizý áreketiniń jolyn kesti, dep habarlaıdy QazAqparat QR UQK baspasóz qyzmetine silteme jasap.

Baspasóz qyzmetiniń málimetterine qaraǵanda, shekaradan zańsyz ótkizilmek bolǵan qarýlardyń ishinde 8 myńnan asa sýyq qarý men elektrlik esten tandyrý quraldary bar jáne oqsyz atylatyn qarý áketýdiń 2 faktisiniń joly kesildi.

Tek sońǵy aptada shekaralyq baqylaý júrgizý kezindegi tekserý is-sharalar nátıjesinde 60 ańshylyq jáne 6 zaqymdaıtyn oq, qoldan jasalǵan 2 pyshaq anyqtaldy.

Barlyq jaǵdaılarda ustalǵan adamdar men kólikter protsessýaldyq sheshimder qabyldaý úshin quzyreti boıynsha ishki ister organdaryna tapsyryldy.

«UQK Shekara qyzmeti azamattarǵa Memlekettik shekara arqyly tyıym salynǵan zattardy tıisti ruqsat qujattarsyz alyp júrý kezindegi jaýapkershilik týraly eskertedi»,-delingen QR UQK baspasóz qyzmeti taratqan habarlamada.

Foto: gov.kz