Shekarashylar Reseıge marıhýana alyp ótken eki jigitti ustady

ASTANA. QazAqparat - Ótken táýlik ishinde Qostanaı oblysyndaǵy qazaqstandyq shekarashylar esitki zattaryn shekara arqyly alyp ótpek bolǵan eki oqıǵanyń jolyn kesti, dep habarlaıdy QR UQK ShQ baspasóz qyzmeti.

Atap aıtqanda, «Qaıraq - avto» baqylaý-ótkizý beketiniń shekara jasaǵy (qazaqstandyq - reseılik shekara) 16 maýsymda túste ıisshil ıttiń kómegimen 1992 jylǵy Maksım esimdi azamat ustaldy. «VAZ-2170» avtokóligin mingen jigit Reseıge bara jatqandyǵyn tilge tıek etip, eshqandaı zańsyz zattarynyń joq ekendigin aıtyp aqtaldy. Biraq, jeke basyn shekaralyq baqylaýdan ótkizý kezinde onyń qaltasynan jasyl tústi untaq shyǵa kelgeni sol edi, ol dereý odan qutylǵansha asyǵyp edenge qaraı laqtyryp jiberdi. Aldyn ala saraptama boıynsha onyń «marıhýana» ekendigi anyqtaldy. Salmaǵy 30 gram.

Kelesi derek osy oblystyń aýmaǵynda ornalasqan «Obaǵan - avto» baqylaý-ótkizý beketinde búgin túnde ryn aldy. «Lısakovsk-Tıýmen» baǵytynda jol júrip bara jatqan reıstik avtobýsqa qyzmettik ıttiń kómegimen shekaralyq baqylaý ótkizý kezinde 1984 jylǵy azamat ustaldy.

Qyzmettik ıt onyń qaltasynda esirtki bar ekendigin bildirdi. Qaltasyn aınaldyryp qaraǵanda qyzmettik ıttiń kúdigi rasqa aınalyp, odan 10 gramm marıhýana tabyldy.         

Atalǵan derekter boıynsha materıaldar Qostanaı oblysy Qarabalyq aýdandyq ishki ister bóliminiń qyzmetkerlerine berildi.